މިހާރު ކުރެވެމުންދާ ގާނޫނީ މަސައްލަތް ނިމުމުން "ވާނުވާ" މައްސަލައަށް ހައްލު އަންނާނެކަމަށް ރައީސް މުއިއްޒު ވިދާޅުވެއްޖެއެވެ.
ރައީސް މުއިއްޒު މިހެން ވިދާޅުވީ، ރައީސް އޮފީހުން ކުރިޔަށް ގެންދާ "ރައީސްގެ ޖަވާބު" ސިލްސިލާގެ މިއަދުގެ ސެގްމަންޓުގައި އާންމުންގެ ފަރާތަކުން ކުރި ސުވާލަކަށް ޖަވާބު ދެއްވަމުންނެވެ.
މ.މުލަކު، އޯޝަންލެޑް، ނަޝީދާ ޙަސަން ރައީސްއާއި ކުރެއްވި ސުވާލަކީ ޝަރީޢަތް ނިމެންދެންކުރާ ބަންދު ނުވަތަ "ވާނުވާ" އަށް ޙައްލެއް ހޯއްދަވައިދެއްވުމުގެ ވަޢުދު ފުއްދަވާނީ ކޮންއިރަކުންތޯއެވެ.
މި ސުވާލުގެ ޖަވާބުގައި ރައީސް މުއިއްޒު ވިދާޅުވީ "ވާނުވާ"ގެ މައްސަލައަށް ހައްލު ގެނައުމަށްޓަކާ ގާނޫނު އިސްލާހު ކުރެވެމުންދާ ކަމަށާއި، އެ އިސްލާޙުތައް ގާނޫނަށް ގެނެވުމުން ތަހުގީގީ މަރުހަލާތައްވެސް އިތުރަށް ފުރިހަމަ ވެގެން ދާނެ ކަމުގައެވެ.
ވާނުވާ މައްސަލަ ހައްލު ކުރުމަކީ އަޅުގަޑު ވީ ވައުދުތަކުގެ ތެރޭގައި ހިމެނޭ މުހިންމު ކަމެއް. މިހާރު އެކަމާއި ގުޅޭގޮތުން އިސްލާހުތަކެއް ގާނޫނަށް ގެނައުމަށް.. މިކަހަލަ ލީގަލް މަސައްކަތްތަކެއް އަޅުގަޑުމެން ފަށައިފިން. އެހެންވީމަ އިރާދަކުރެއްވިއްޔާ ގާނޫނީ ހައްލެއް ތިމައްސަލައަށް ގެނެވޭނެ ގޮތްތަކެއް ކުރަމުން މިގެންދަނީ. އަދު ތަހުގީގު މަރުހަލާގެ ކަންތައްތައްވެސް މިހާރަށްވުރެ ރަގަޅު ކުރުމަށްޓަކާ މަސައްކަތްތަކެއް އެބަކުރެވޭ.
ރައީސް މުއިއްޒު ވިދާޅުވިއެވެ.
ރައީސް ވާނުވާގެ މައްސަލައަށް ރަގަޅު ދާއިމީ ހައްލެއް ގެނެސްދޭނެ ކަމުގައެވެ.
