ކައުންސިލްތަކުގެ އިދާރީ މުވައްޒަފުންގެ މުސާރައަށް ހައްލެއް ހޯދޭނި ރައްޔިތުންގެ މަޖިލީހަށް ކަމށް ރައީސް މުއިއްޒު ވިދާޅުވެއްޖެއެވެ.
ރައީސް އޮފީހުން ގެނެސްދޭ "ރައީސްގެ ޖަވާބު"ގެ މިއަދުގެ ސެގްމަންޓްގައި މ. ނާލާފުށި، މަތަރެސްމާގޭ މޫސާ ސޯބިރު ކުރި ސުވާލަކީ ސިވިލް ސާވިސްގައި ޚިދުމަތްކުރާ އިދާރީ މުވައްޒަފުންގެ މުސާރަ ބޮޑު ކުރުމާ ގުޅޭ ގޮތުންނެވެ. އަދި އޭނާ ބުނެފައިވަނީ ސަރުކާރުގެ ބައެއް މުވައްސަސާތަކުގެ މަސައްކަތު މީހުންނަށްވެސް ކައުންސިލްތަކުގެ އެޑްމިންސް ސްޓާފުންނަށްވުރެ ބޮޑު މުސާރަ ލިބޭ ކަމަށެވެ.
އޭނާގެ ސުވާލުގެ ޖަވާބުގައި ރައީސް ވިދާޅުވީ ރައްޔިތުންގެ މަޖިލިހުން ކައުންސިލްތައް ކެޓަގަރައިޒްކޮށް އޮންނަނީ ވަރަށް ދަށްފަންތިއެއްގަ ކަމަށެވެ.
އެހެންކަމުން ފިނޭންސް މިނިސްޓްރީން މުސާރަ ބޮޑުކުރަން ބޭނުންވިޔަސް ކެޓަރަގަރައިޒް ކޮށްފަ އޮތް ގޮތުން އެކަން ކުރެވެން ނޯންނަ ކަމަށް ރައީސް ވިދާޅުވިއެވެ. ރައީސް ވިދާޅުވީ ކައުންސިލްތަކުގެ އިދާރީ މުވައްޒަފުންގެ މުސާރަ އާދަތާ ޚިލާފަށް ކުޑަކަމަށާއި، އެމައްސަލައަށް ހައްލެއް މިހާރުން މިހާރަށްވެސް ގެނެވޭނީ މަޖިލިހުގެ ތެރެއިން ކަމަށެވެ.
އެކަންކަމަށް މަޖިލިހުގެ ތެރެއިން މަސައްކަތްކޮށްގެން ހައްލެއް ގެނެވޭނީ.
ރައީސް ވިދާޅުވިއެވެ.
ރައީސް ވިދާޅުވީ ކައުްނސިލްތަކުގެ އިދާރީ މުވައްޒަފުން އެންމެ ދަންފަންތީގައި ހިމެނި އެމުވައްޒަފުންގެ މުސާރަ އާދަޔާ ޚިލާފަށް ކުޑަވެފައި ވުމަކީ ވަަރަށް ބޮޑު މައްސަލައެއް ކަމުގައެވެ.
ރައީސް ވިދާޅުވީ ހުރިހާ މުވައްޒަފުންގެ މުސާރައަށްވެސް ކުރިއެރުން ގެންނަން ބޭނުންވާކަމަށާއި، ދައުލަތުގެ އާމްދަނީ އިތުރުވާ ނިސްބަތުން މުސާރަތަކަށް ބޮޑު ކުރެވޭނެކަމަށެވެ.
ޖުމްލަކޮށް ހުރިހާ މުވައްޒަފުންގެ މުސާރަ ބޮޑު ކުރުމަކީ އަޅުގަނޑު ބޭނުންވާ ގޮތް. އެކަމަކު އަޅުގަނޑުމެންނަށް އާމްދަނީ އިތުރުވެގެންދާ ވަރަކުން އިގްތިސާދު ހަރުދަނާކޮށް ވަރުގަދަ ކުރެވޭ ވަރަކުން މުސާރަތައް ބޮޑު ކުރެވޭނެ.
ރައީސް ވިދާޅުވިއެވެ.
ކޮމެންޓު ފޮނުވާ