ރައްޔިތުންގެމަޖިލީހުގައި އަންހެނުންގެ ހިއްސާ އިތުރުކުރުމަކީ ކޮންމެހެންވެސް ކުރަންޖެހިފައިވާކަމެއްކަމުގައި އެމްޑީޕީން ބުނެފިއެވެ.
މިއަދު ފާހަގަ ކުރެވެނުންދާ އަންހެނުންގެ ދުވަހުގެ މުނާސަބަތުގައި އެމްޑީން ނެރުނު ބަޔާނުގައި އެޕާޓީން ބުނެފައިވަނީ އެޕާޓީގެ އަންހެނުންގެ ރޫހުގެ ރައީސް އައްޑޫމީދޫ ދާއިރާގެ އިއްޒަތްތެރި މެމްބަރު ރޮޒައިނާ އާދަމް މިވަގުތު ޤާނޫނު އަސާސީގެ 71 ވަނަ މާއްދާއަށް ހުށައަޅުއްވާފައިވާ އިސްލާހުގެ ތެރެއިން، މި މައްސަލައަށް ރަނގަޅު ހައްލެއް ހޯދާދިނުމަށް އެ ޕާޓީއިން މަސައްކަތް ކުރާނަކަމަށެވެ.
އެމް.ޑީ.ޕީއިން ބުނެފައިވަނީ އެޕާޓީން އުންމީދުކުރަނީ މި މަސައްކަތުގައާއި އަދި މޯލްޑިވްސް ޖެންޑަރ އީކުއޭލިޓީ އެކްޝަން ޕްލޭންގައިވާ ކަންތައްތައް ހާސިލް ކުރުމަށް އެ ޕާޓީއިން ކުރަމުން ދާ މަސައްކަތްތަކުގައި، ހުރިހާ ސިޔާސީ ޕާޓީތަކެއްގެ އެއްބާރުލުން ލިބޭނެކަމަށެވެ. އަންހެނުން ބާރުވެރިކުރުމަށް މި ކުރާމަސައްކަތަކީ ގައުމީ އިންވެސްޓްމަންޓަކަށް ވީހިނދު، މިކަން ހާސިލް ކުރެވޭނީ ހުރިހާ ފަރާތްތަކުގެ އެއްބާރުލުމާއެކުގައި ކަމަށް އެ ޕާޓީއިން ގަބޫލުކުރާކަމަށްވެސް ބުނެފައި ވެއެވެ.
އަޅުގަނޑުމެންގެ ދުއާއަކީ ރާއްޖޭގެ އިގްތިސޯދު ބިނާކުރުމުގައި އަންހެނުންނާ ފިރިހެނުންގެ ހިއްސާ ހަމަހަމަކަމާއެކުއޮވެ، ރާއްޖެއަކީ އިގްތިސޯދީގޮތުން ފުދުންތެރި، އުފާފާގަތި ރައްޔިތުން ދިރިއުޅޭ ގައުމެއްގެ ގޮތުގައި މާތް ﷲ ލެއްވުމެވެ.
އެމްޑީޕީން ބުނެފައި ވެއެވެ.
އެމްޑީޕީން ބުނެފައިވަނީ ފުރަތަމަފަހަރަށް ސުޕްރީމްކޯޓަށް އަންހެން ފަނޑިޔާރުން އައްޔަނުކުރެވިފައިވަނީވެސް އެމް.ޑީ.ޕީގެ ފާއިތުވި 5 އަހަރުގެ ވެރިކަމުގެތެރޭގައިކަމީ ފަޚުރުވެރިވާ ކަމެއް ކަމުގައެވެ.
ކޮމެންޓު ފޮނުވާ