މާލޭ ސަރަހައްދުގައި ގަވާއިދާ ޚިލާފަށް ޕާކު ކޮށްފައިވާ އުޅަނދުތައް ޓޯކުރުމަށް ފުލުހުން މިހާރު ފަށާފައިވާ މަސައްކަތުގެ ތެރެއިން، މިހާތަނަށް 100 އަށް ވުރެ ގިނަ ސައިކަލު ޓޯކޮށް، މާލޭގެ ގްރޭޓާރ މާލޭ އޭރިއާގެ އެކި ސަރަހައްދުތަކުގައި ބަހައްޓާފައި، އިންޖީނުނެތް ތޮށިގަޑުގެ ގޮތުގައި ހުރި 156 އުޅަނދުވެސް ނައްތާލާފައިވާ ކަމަށް ފުލުހުން ވިދާޅުވެއްޖެއެވެ.
މިކަން ހާމަކޮށްފައިވަނީ، ފުލުހުން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ފުލުހުންގެ މާލެ އޭރިއާ ސަރަހައްދުން ޗީފް ސުޕްރިޑެންޓެންޓް އޮފް ޕޮލިސް ހުސެއިން ސަމީރުއެވެ.
ސަމީރު ވިދާޅުވީ، ޓޯ ޔާޑެއްގެ ގޮތުގައި ބޭނުންކުރުމަށް ހުޅުމާލެއިން ދެ ބިމެއް މިހާރު ހަމަޖެހިފައިވާ ކަމަށާއި، މާލޭ ސަހައްދުގައި ނުގަވަައިދުން ޕާކްކޮށްފައި ހުންނަ އުޅަނދުތައް ޓޯކޮށްގެން ގެންދާނި ހުޅުމާލާގައި ގާއިމްކުރާ ޓޯޔާޑަށް ކަމަށެވެ. އަދި އޭނާ ވިދާޅުވީ ޓޯ ކުރާ އުޅަނދުތައް ޕާކްކޮށްފައި ބަހައްޓާނެ ދެ ބިމެއް މިހާރު ހަމަޖެހިފައިވާކަމަށެވެ.
ސަމީރު ވިދާޅުވީ އުޅަނދުތައް މިހާރު ޓޯކުރަން ފަށާފައިވުމާއެކު، ވާއިދުގެ ދަށުން ޕާކު ކުރުމަށް އިލްތިމާސް ކުރާކަމުގައެވެ.
ސަމީރު ވިދާޅުވީ ސޯސަންމަގުގައި ބޮޑު ޕާކިންއެއް ހަދާފައިވި ނަމަވެސް، އެ ސަރަހައްދުގައިވެސް ހިތުހުރި ގޮތަކަށް ޕާކް ކުރަމުންދާ ކަމަށާއި، އެހެންނަމުން މާލެ ހަމަޔަކަށް އެޅުވުމަށް ގަވާއިދާ ޚިލާފަށް ޕާކުކުރުމުގެ މައްސަލައަށް ހައްލެއް ހޯދަން ޖެހޭ ކަމުގައެވެ.
އާނޭ ވިދާޅުވި ހިނގާބިގާވެ އުޅޭ ފަރާތްތަކަށް ދަތިވާގޮތަށް ޕާކު ކޮށްފައި ހުންނަ އުޅަނދުތައް ނެގުމުގެ މަސައްކަތް ފުލުހުން ކުރަމުންދާއިރު އާންމުންގެ އެހީތެރިކަމަށް ފުލުހުން އެދޭކަމުގައެވެ.
ކޮމެންޓު ފޮނުވާ