މޯލްޑިވްސް ޓްރޭޑް އެސޯސިއޭޝަން (އެމްޓީއޭ) އިން މިއަދު މާލޭ ސިޓީގެ މޭޔަރ އާދަމް އާޒިމްއާއި ބައްދަލުކޮށްފިއެވެ. މި ބައްދަލުވުމުގައި މާލޭ ސިޓީގެ ޑެޕިއުޓީ މޭޔަރ އަހުމަދު ނަރީޝްވެސް ބައިވެވަޑައިގެންނެވިއެވެ.
އެމްޓީއޭގެ ފަރާތުން މިބައްދަލުވުމުގައި ބައިވެރިވެވަޑައިގެންނެވީ އެ އެސޯސިއޭޝަންގެ ރައީސް މުހައްމަދު އަމީތުއާއި، އެމްޓީއޭގެ ޗެއަރޕާސަން ސައުދުގެ އިތުރުން އެ އެސޯސިއޭޝަންގެ ނައިބު ރައީސް އާމިނަތު މުޒުނީނާއެވެ.
އެމްޓީއޭއިން ބުނެފައިވަނީ މި ބައްދަލުވުމަކީ ރާއްޖެއަށް ކުރިމަތިވެފައިވާ އިގްތިސާދީ ގޮންޖެހުންތަކުގެ އިތުރުން، ކުދި އަދި މެދުފަންތީގެ ވިޔަފާރަވެރިންނަށް ކުރިމަތިވާ ގޮންޖެހުންތަކާއި، އަދި މާލޭ ސިޓީ ކައުންސިލާއި ގުޅިގެން ކުރިޔަށް އޮތްތަނުގައި ހިންގާނެ ބައެއް ހަރަކާތްތަކާ ގުޅޭގޮތުން މަޝްވަރާކުރުމަށް ބޭއްވުނު ބައްދަލުވުމެއް ކަމުގައެވެ.
މި ބައްދަލުވުމުގައި، މޭލޭ ސަރަހައްދުގައި ހަރަކާތްތެރިވަމުން ދާ ވިޔަފާރަވެރިންނާއި، އަދި ރާއްޖެއަށް ކުރިމަތިވެފައިވާ ބީދޭސީން މައްސަލައާއި ގުޅިގެން ދިވެހި ވިޔަފާރިތަކަށް ކުރިމަތިވާ މައްސަލަތަކާއި އަދި އެމައްސަލަތައް ހައްލު ކުރާނޭ ގޮތްތަކާ ގުޅޭގޮތުން މަޝްވަރާ ކުރެވުނު ކަމަށްވެސް އެމްޓީއޭއިން ބުނެފައި ވެއެވެ.
އެމްޓީއޭއިން ބުނެފައިވަނީ، މާލޭ ސިޓީގައި ވިޔަފާރީގެ ހަރަކާތްތަކަށް ކުރިމަތިވާ މައްސަލަތަކަށް ހައްލު ހޯދާ ދިނުމަށް މާލޭ ސިޓީ ކައުންސިލްގެ ފުރިހަމަ އެހީތެރިކަމާއި އެއްބާރުލުން ދޭނެކަމުގެ ޔަގީންކަން މޭޔަރު އާދަމް އާދަމް އާޒިމް ދެއްވާފައިވާ ކަމުގައެވެ.
ކޮމެންޓު ފޮނުވާ