މޯލްޑިވްސް މީޑިއާ ކައުންސިލް ގާނޫނުގެ 36 ވަނަ މާއްދާގައި މައުލޫމާތާއި ހިޔާލާއި ޚަބަރު ފެތުރުމަށްޓަކައި ދިވެހިރާއްޖޭގައި ރަޖިސްޓްރީ ކޮށްގެންނާއި ނުކޮށް ހިންގާ ވެބްސައިޓުތަކަކީ ވެސް "މީޑިއާ" ކަމުގައި ވަނީ މާނަ ކޮށްފައިވާތީވެ، އެ ފަރާތްތައް މޮނިޓަރ ކުރުމަކީ މި ކައުންސިލްގެ މެންޑޭޓްގެ ތެރޭގައި ހިމެނިފައި އޮތް ކަމެއް ކަމަށާއި، މީޑިއާއެއް ގޮތުގައި ރަޖިސްޓްރީ ނުކޮށް ހިންގާ "com.dhiyavaru "އާއި "com.kurusee "އަދި "com.dhonamaa "މި ތިން ވެބްސައިޓުން ރައްޔިތުންނަށް ހަގީގަތް އޮޅޭ ގޮތަށް ދޮގު މައުލޫމާތު ފަތުރަމުން އަންނަ ކަމަށް ބުނެ ގިނަ އަދަދެއްގެ ޝަކުވާ މީޑީއާ ކައުންސިލަށް ލިބެމުދާކަމަށް އެ ކައުންސިލުން ބުނެފިއެވެ.
މީޑިއާ ކައުންސިލުން ނެރުނު ބަޔާނެއްގައި ބުނެފައިވަނީ، މީޑިއާ ކައުންސިލުން އަބަދުވެސް ބާރު އަޅަނީ ރާއްޖޭގައި ހިޔާލު ފާޅު ކުރުމުގެ މިނިވަންކަން ވީއެންމެ ފުޅާ މިނެއްގައި ހުޅުވާލާފައި އޮތުމަށް ކަމުގައެވެ.
އެހެން ނަމަވެސް ކަމުގެ ހަގީގަތް ނުބަލައި އަދި ކަމާ ގުޅޭ ފަރާތްތަކުން މައުލޫމާތު ސާފު ނުކޮށް ކަނޑައެޅިގެން ހަގީގަތާ ހިލާފު ވާހަކަތައް ފެތުރުމަކީ މި ކައުންސިލުން ބަލައިގަންނަ ކަމެއް ނޫނެވެ. ވަކިން ހާއްސަކޮށް ރައްޔިތުންނާ ގުޅޭ ހައްސާސް މައްސަލަތަކުގައި ހަގީގަތް ނުބަލައި ހަބަރު ފެތުރުމުގެ ސަބަބުން އޭގެ ނޭދެވޭ އަސަރު މުޖްތަމައަށް ކޮށް ބައެއް މުހިންމު މައްސަލަތަކުގެ ހަގީގީ މައުލޫމާތު މީހުންނަށް ހަގީގަތް ސާފު ނުވާ ކަން މި ކައުންސިލަށް ވަނީ ފާހަގަ ކުރެވިފަ އެވ.ެ
ތިން މީޑިއާއެގެ ނަން ހާމަކޮށް މީޑިއާކައުންސިލުން ނެރުނު ބަޔާނުގައި ބުނެފައި ވެއެވެ.
މީޑިއ ކައުންސިލުން ބުނެފައިވަނީ، 3 ވެބްސައިޓްތަކާ ގުޅޭ ގޮތުން އެ ކައުންސިލަށް ލިބިފައިވާ ބައެއް ޝަކުވާތަކަށް ބަލާއިރު ހަގީގަތާ ހިލާފު މައުލޫމާތު ހުރިކަން މިހާތަނަށް ވަނީ ފާހަގަ ކުރެވިފައި ވާކަމުގައެވެ.
އެގޮތުން އެ މައްސަލަތައް ބަލަމުން އަންނަ ވަރަކަށް އެ ކައުންސިލްގެ ނިންމުންތައް އާންމު ކުރަމުން ގެންދާނެ ކަމަށްވެސް ބަޔާނުގައި ބުނެފައި ވެއެވެ. މީގެ އިތުރުން މީޑިއާގެ ނަމުގައި ހަގީގަތާ ހިލާފު މައުލޫމާތުތައް ފަތުރަމުން އަންނަ އިރު އެއްވެސް ފިޔަވަޅެއް ނޭޅި އޮތުމަކީ ވެސް ކަންބޮޑުވުމެއް ކަމަށް މި ކައުންސިލްގެ ގިނަ މެންބަރުން ދެކޭކަމަށާއި، އެހެންވެ ކައުންސިލުން ވަނީ ރަޖިސްޓްރީ ނުކޮށް ހިންގާ މީޑިއާތަކުގެ މައްސަލަތައް ބެލޭނެ ހަރުދަނާ ނިޒާމެއް އެކުލަވާލުމަށްޓަކައ،ި ކަމާ ގުޅޭ އުސޫލެއް ހަދަން 14 ފެބުރުވަރީ 2024 ގެ ޖަލްސާއިނ،ް ފާސް ކޮށްފައި ކަމަށްވެސް ބުނެފައި ވެއެވެ.
ކުރިޔަށް އޮތް ދުވަސްތަކުގައި މީޑިއާތަކާއި ކަމާގުލޭ ޖަމިއްޔާތަކާއި ދައުލަތުގެ އިދާރާތަކާއި މުއައްސަސާތައް އަދި އާންމުންގެ ހިޔާލާއެކު އެ މަސައްކަތް ވަރަށް އަވަހަށް ކުރިޔަށް ގެންދާނެ ވާހަކަ މައުލޫމާތަށްޓަކައި ދަންނަވަމެވެ. ގާނޫނުއަސާސީން ކަށަވަރު ކޮށްދީފައިވާ ހިޔާލު ފާޅު ކުރުމުގެ ހައްގު އެންމެ ފުރިހަމަ ގޮތެއްގައި ބޭނުން ހިފާއިރު އެހެން ފަރާތްތަކުގެ ހައްގުތަކަށް އުނިކަން އަންނަ ގޮތަށް މުޖްތަމައު ތެރޭ ހަގީގަތާ ހިލާފު ވާހަކަ ނުފެތުރުމަކީ މި ކައުންސިލުން ކުރާ އިލްތިމާސެކެވެ.
ކައުންސިލްގެ ބަޔާނުގައި ބުނެފައި ވެއެވެ.
އަދި މިފަދަ ކަންކަން ތަކުރާ ރުކޮށް ކުރާ ފަރާތްތަކާ މެދު ގާނޫނާއި ގަވައިދުތަކާ އަދި ހެދިފައި ހުރި އުސޫލުތަކުގެ މަތިން އަޅަން ޖެހޭ ފިޔަވަޅުތައް އަޅަމުން ގެންދާނެ ވާހަކަ މީޑިއާ ކައުންސިލުން ބުނެފައި ވެއެވެ.
