މާލޭއާ ރަށްރަށުގައި ދުއްވޭނެ ވެހިކަލްތަކުގެ އަދަދު ކަނޑައަޅާ ކުރިޔަށް އޮތް 2 މަހުގެ ތެރޭ އާއްމުކުރާނެކަމަށް ޓްރާންސްޕޯޓު މިނިސްޓަރު މުޙައްމަދު އަމީން ވިދާޅުވެއްޖެއެވެ.
މިނިސްޓަރ އަމީން މިހެން ވިދާޅުވެފައި މިވަނީ މާލޭގައި ދުއްވޭނެ ވެހިކަލްތަކުގެ އަދަދު ކުރިޔަށް އޮތް 6 މަސްދުވަހުގެ ތެރޭގައި ކަނޑައަޅާނެކަމަށް އަލަށް ހުވާކުރެއްވި މާލޭގެ މޭޔަރ އާދަމް އާޒިމް ވިދާޚުވެފައި ވަނިކޮށެވެ.
މިނިސްޓަރ އަމީން ވިދާޅުވީ ސިޓީ އަދި ރަށު ކައުންސިލުތަކުން ރަށްރަށުގައި ދުއްވޭނެ އުޅަނދުތަކުގެ އަދަދު ކަނޑައެޅުމުގައި، ކުރިމަތިވެފައިވާ ގޮންޖެހުމަށް އެކަށީގެންވާ ޙައްލެއް ހޯދައިދިނުމަށް، އެކުލަވާލާފައިވާ ގަވާއިދަށް ބަދަލުގެނެސް ކުރިޔަށް އޮތް 2 މަސް ދުވަހުގެ ތެރޭގައި ޢާންކުރުމަށް މަސައްކަތް ކުރަމުންދާ ކަމަށެވެ.
ވެހިކަލްތައް ގިނަވެ ތޮއްޖެހުމުގެ މައްސަލަ ބޮޑުވެ، އެކަން ހައްލުކުރުމަށް ބޭރުގެ ތަޖުރިބާކާރުންގެ އެހީގައި ދިރާސާ ކުރަމުންދާކަމަށް މީގެކުރިން ޓްރާންސްޕޯޓް މިނިސްޓްރީން ވަނީ ބުނެފައެވެ.
