ސައުތުގެ މަޝްހޫރު އެކްޓަރު ޕްރަބާސް އާއި ދީޕިކާ ޕަދުކޯން އެކުގައި ފެނިގެންދާ ފުރަތަަމަ ފިލްމް "ކަލްކީ" ގެ އައު ޕޯސްޓަރެއް ދައްކައިލައިފިއެވެ.
މި ޕޯސްޓަރުގައި ފިލްމް ރިލީޒް ކުރާ ތާރީހު ވަނީ އިއުލާން ކޮށްފައިއެވެ. ކުރިއަށް އޮތް މޭ މަހުގައި ރިލީޒް ކުރަން އަމާޒު ހިފައިފައިވާ މި ފިލްމް ގެ ޓީޒާއެއް ވެސް ވަނީ މީގެ ކުރިން ދައްކައިލައިފައިއެވެ.
މި ފިލްމުގެ ވާހަކަ ބިނާކޮށްފައި އޮތީ 2898 އޭޑީއަށެވެ. އެހެންވެ މުސްތަގުބަލުގައި ހިނގައިފާނެ ކަމަށް ބެލެވޭ ހާދިސާތަކެއް ދައްކުވައިދޭނެ އެއްޗެކެވެ. މި ފިލްމް އަކީ ބޮޑު ބަޖެޓަކުން ހަދައިފައިވާ ފިލްމްއެކެވެ.
View this post on Instagram
ކުޅަދާނަ ތެލެގޫ ޑައިރެކްޓަރު ނާގު އަޝްވިން ލިޔެ، ޑައިރެކްޓްކޮށް އެޕިކް ސައިންސް ފިކްޝަންއެއްގެ ގޮތުގައި ގެނެސްދޭ "ކަލްކީ" ގެ މައިގަނޑު ތަރިންނަކީ ޕްރަބާސް އާއި ދީޕިކާ ޕަދްކޯން އާއި ކަމަލް ހަސަނާއި އަމީތާބް ބައްޗަންގެ އިތުރުން ޑިޝާ ޕަޓާނީ އެވެ.
މި ފިލްމަކީ 600 ކްރޯޑް ރުޕީސް 73 މިލިއަން ޑޮލަރު) ގެ ބަޖެޓަކުން ހަދާ އެއްޗެކެވެ.
