މީލާދީ އާއަހަރުގެ ފެށުން ފާހަގަކުރާއިރު، ފަލަސްތީނުގައި އަނިޔާ ލިބެމުންދާ އަޚުންނާއި އުޚުތުން އަދި ކުޑަކުދިންގެ މަތިން ހަދާންކޮށް، ފަލަސްތީނުގެ މިނިވަންކަމަށާއި، ފަލަސްތީނުގެ ރައްޔިތުންގެ ރައްކާތެރިކަމަށް އެދި ދެއަތް އުފުލާލާކަމުގައި ޕީއެންސީގެ ޓިކެޓުގައި މާލޭގެ މޭޔަރުކަމަށް ވާދަކުރައްވާ ކުރީގެ ބަންޑާރަނައިބު އައިޝަތު އާޒިމާ ޝަކޫރު ވިދާޅުވެއްޖެއެވެ.

އާޒިމާ މިހެން ވިދާޅުވެފައިވަނީ މީލާދީ އާއަހަރުގެ މުނާސަބަތުގައި އާންމު ކުރެއްވި ތަހުނިޔާގެ މެސެޖުގައެވެ.

އާޒިމާގެ މެސެޖުގައިވަނީ މިއަދު ފެށިގެންދިޔަ އާއަހަރު މިނިވަންކަމުގެ ރަތް ރޮނގު އިތުރަށް ކުލަގަދަ ކުރުމަށް ގޮވާލައްވާފއެވެ.

އަޅުގަޑުމެން ކުޑަކުދިންނަށް ރައްކާތެރި އަހަރެއްކަމުގައިވެސް ލެއްވުމެވެ. މިލޮބުވެތި ދިވެހި ގައުމުގެ މިނިވަންކަމުގެ ރަތް ރޮނގު އިތުރަށް ކުލަގަދަވެ، ދިވެހި ރާއްޖެއަށް އާރޯކަމާއި ތާޒާކަން، ﷲގެ ރަހުމަތްފުޅުން މިންވަރު ކުރެއްވުމެވެ.

އާޒިމާގެ އާއަހަރުގެ މެސެޖުގައި ވިދާޅުވެފައި ވެއެވެ.

އާޒިމާގެ މެސެޖުގައި ވިދާޅުވީ އެކަމަނާގެ ދުޢާއަކީ މިފެށޭ 2024ވަނަ އަހަރަކީ އެންމެ ބޭފުޅުންނަށް އުފާވެރި އަދި ފާހަތި އަހަރެއްގައިކަމުގައި ލެއްވުން ކަމުގައެވެ.