ޑްރަގް ޓްރެފިކިންގ އިންވެސްޓިގޭޝަން ޑިޕާޓްމަންޓް އިން ބަލަމުންދާ ދިވެހިރާއްޖެއަށް މަސްތުވާތަކެތި އެތެރެކޮށް ޓްރެފިކް ކުރި ކަމަށް ތުހުމަތުކުރެވޭ މައްސަލައެއްގެ ތަހުގީގަށް މީހަކު ހާޒިރުކުރުމަށް ފުލުހުން އިއުލާން ކޮށްފިއެވެ.
ފުލުހުން ކުރި އިއުލާނެއްގައި ބުނެފައިވަނީ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ތަހުގީގަށް ހާޒިރުވުމަށް މުޙައްމަދު ފާރިޙު / ހދ.ކުޅުދުއްފުށި، ޗާނދަނީގެ އަށް އަންގައި އިއުލާނުކުރަމެވެ.
މުޙައްމަދު ފާރިޙު ހާޒިރުކުރެވޭ ބޭނުމަކީ މައްސަލައިގެ ތަހުގީގަށް، ސުވާލުކުރުމަށް ކަމަށް ފުލުހުން ބުނެފައި ވެއެވެ. އޭނާ ހާޒިރުވާންޖެހޭ ތަނަކީ ސާޖަންޓް އާދަމް ޚަލީމް ކްރައިމް އިންވެސްޓިގޭޝަން ބިލްޑިންގ ކަމަށާއި، ގަޑިއަކީ 2023 ޑިސެމްބަރު 26 ވަނަ ދުވަހުގެ 14:00 އަށް ކަމަށްވެސް ފުލުހުންގެ ބަޔާނުގައި ބުނެފައި ވެއެވެ.
ކޮމެންޓު ފޮނުވާ