މާލެ އަތޮޅު ގުޅީގެ އިދާރީ ދާއިރާގެ އިހުތިޞާޞްގެ ތެރެއިން ފުށިދިއްގަރުފަޅު ވަކިކޮށްފިއެވެ. ގުޅީގެ އިދާރީ ދާއިރާގެ އިހުތިޞާޞަށް ބަދަލު ގެނެސްފައިވަނީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު ނެރުއްވި ގަރާރަކުންނެވެ.
ގުޅީގެ އިހުތިސާސް ތެރޭގައި ހިމެނޭ ފުށިދިއްގަރުފަޅުގެ އިޚްތިޞާޞަށް ބަދަލުގެނެސްފައިވާއިރު، އެތަނަކީ ރައީސް ޑރ. މުއިއްޒުގެ ސަރުކާރުގައި ބޯހިޔާވަހިކަމުގެ އެންމެ ބޮޑު މަޝްރޫއުތަކެއް ހިންގުމަށް ނިންމާފައިވާ ތަނެކެވެ.
ފުށިދިއްގަރު ފަޅު ހިއްކައި، 11000 ގޯއްޗާއި 20000 ފްލެޓް އެތަނުގައި ތަރައްޤީކުރުމަށް ރައީސް މުއިއްޒު ނިންމާފައިވެއެވެ.
މީގެ އިތުރުން ބަޖެޓުގައި ބީހިޔާވަހިކަމުގެ މަޝްރޫޢުތަކަށް 404 މިލިއަން ރުފިޔާ ކަނޑައެޅިއެވެ. ނަމަވެސް ކޮމިޓީން ވަނީ އެ ފައިސާ އުނިކޮށްފައެވެ.
މާލެ ސަރަހައްދަށް ކުރިމަތިވެފައިވާ ގެދޮރުވެރިކަމުގެ މައްސަލަ ހައްލުކުރުމަށް ރައީސުލްޖުމްހޫރިއްޔާ ޑރ.މުހައްމަދު މުޢިއްޒުގެ އެންމެ ބިޔަ އެއް މަޝްރޫޢަކީ ފުށިދިއްގަރު ފަޅު ތަރައްޤީކުރުމެވެ. މިއީ ރާއްޖޭގައިވެސް މިހާތަނަށް ހިންގޭ ގެދޮރުވެރިކަމުގެ އެންމެ ބިޔަ މަޝްރޫއެވެ. އެގޮތުން މި މަޝްރޫޢުގެ ދަށުން ހިއްކޭ ސަރަހައްދު، ހުޅުމާލޭގެ ދެ ފިޔަވަހި އެއްކޮށްލީމާ ވާ ވަރަށްވުރެ ތިން ގުނަ ބޮޑުވާނެ ކަމަށް ސަރުކާރުން ބުނެފައިވެއެވެ.
