އެމްޓީޑީސީގެ އެމްޑީއަކަށް އަހުމަދު ނިޔާޒް ހަމަޖައްސައިފި އެވެ. އޭނާއަކީ އެކުންފުނި އެންމެ ފުރަތަމަ އުފެއްދިއިރުވެސް އެކުންފުނީގައި އިސްކޮށް މަސައްކަތް ކޮށްފައިވާ ފަރާތެކެވެ. އޭނާ އެންމެ ފުރަތަމަ އެކުންފުންޏާއި ގުޅިވަޑައިގަތީ 2007 ވަނަ އަހަރުއެވެ.
2016 އިން ފެށިގެން މިހާތަނާއި ހަމައަށް އޭނާ ހުންނަވާފައިވަނީ އެ ކުންފުނީގެ ޑެޕިއުޓީ މެނޭޖިން ޑިރެކްޓަރުގެ މަގާމުގައެވެ. އޭގެ ކުރިން އޭނާ އެ ކުންފުނީގެ ބޯޑު ޑިރެކްޓަރުކަމާއި އޮޕަރޭޝަން އެންޑް ޑިވެލޮޕްމަންޓް މެނޭޖަރުކަންވެސް ކުރައްވާފައި ވެއެވެ.
އޭނާވަނީ ބިޒްނަސް އެޑްމިނިސްޓްރޭޝަންގެ ދާއިރާއިން އިނގިރޭސިވިލާތުން ތައުލީމު ހާސިލް ކުރައްވާފައެވެ.
އެމްޑީސީގެ އިތުރުން އޭނާވަނީ 2016-2018 އަށް އެމްޓީސީސީގެ ޗެއާމަންކަމާއި 2013-2016 އަށް އެސްޓީއޯގެ ޗެއާމަންކަންވެސް ކުރައްވައިފަ އެވެ. އަހަރެއްހާ ދުވަހު އޭނާވަނީ އެސްޓީއޯގެ ބޯޑުގެ ޑިރެކްޓަރުކަންވެސް ކުރައްވާފައެވެ.
އެމްޓީޑީސީގެ މެނޭޖިން ޑިރެކްޓަރުކަމުގައި ރައީސް ސާލިހުގެ ދައުރުގައި ހުންނެވީ އެމްއާރުއެމްގެ ސްލޮޓެއްގައި ތަޒްމީލް އަބްދުއްސަމަދެވެ.
