ވެރިކަން ކުރާ ކޯލިޝަންގެ އެންމެ ބޮޑު ޕާޓީ ކަމުގައިވާ ޕީޕީއެމްގެ ލީޑަރޝިޕްގެ ގިނަ ބޭފުޅުން ރައީސް ޔާމިން އާ ޕާޓީއެއް އުފެއްދެވުމާއި ދެކޮޅު ހައްދަވާ، ރައީސް މުއިއްޒުއަށް ތާއީދު އޮތްކަން ހާމަކޮށްފިއެވެ.
އިއްޔެރޭ ރައީސް ޔާމިން ޕީޕީއެމް ދޫކޮށް، އާ ޕާޓީއެއް އުފެއްދެވުމުގެ މަސައްކަތް ފައްޓަވާފައިވަނިކޮށް، ޕީޕީއެމްގެ ލީޑަރޝިޕްގައި ހިމެނިވަޑައިގަންނަވާ ގިނަ ބޭފުޅުން ވަނީ ރައީސް މުއިއްޒުއަށް ތާއީދުކުރައްވާކަން ހާމަކޮށް ޓުވީޓު ކޮށްފައެވެ.
އެގޮތުން ރައީސް މުއިއްޒުއަށް ތާއީދު އޮތްކަން ހާމަކޮށް މިހާތަނަށް ޓުވީޓު ކޮށްފައިވާ ބޭފުޅުންގެ ތެރޭގައި، ޕީޕީއެމްގެ ނާއިބު ރައީސްކަމުގެ މަގާމުގައި ހުންނެވި މިހާރުގެ ޑިފެންސް މިނިސްޓަރ ޢައްސާން މައުމޫންއާއި، ޕީޕީއެމްގެ ނާއިބު ރައީސް އަދި މިހާރުގެ ފިޝަރީޒް މިނިސްޓަރ އަހުމަދު ޝިޔާމްވެސް ހިމެނިވަޑައިގަންނަވައެވެ.
ރައީސް ޔާމިން އާ ސިޔާސީ ޕާޓީއެއް އުފެއްދެވުމުގެ މަސައްކަތް ބާރަށް ކުރިޔަށް ގެންދަވަނިކޮށް ޢައްސާން މައުމޫން ކުރެއްވި ޓުވީޓެއްގައި ވިދާޅުވީ، ރައީސް މުއިއްޒުގެ ސަރުކާރުގެ ހިމާޔަތުގައި އަތާއި އަތް ގުޅައިގެން އެބޭފުޅުން ތިބީ ސަފުތަކުގައި ކެރުމައި އިހުލާސްތެރި ކަމާއި އެކު ސާބިތުވެ ކަމަށެވެ. އަދި ޢައްޒާން ވިދާޅުވެފައިވަނީ ޕީޕީއެމް އޮތީ ރައީސް މުއިއްޒުއާއެކު ކަމަށެވެ.
PPM othy Raeesul Jumhooriyya Dr. @MMuizzu aai eku. Raees Muizzuge sarukäruge himäyathugai athäi aih gulhaigen mithibi safuthakugai kerumai Ikhlãstheri kamai eku sãbithve hure, qawmah heyo edhey emmehai lobuvethi dhivehinnah Raees Muizz aai ekkoh kuriyah vadaigathumah govaalan! 🇲🇻 pic.twitter.com/YxpWCVKcGc
— Mohamed Ghassan Maumoon (@mgmaumoon) November 24, 2023
ޢައްސާންގެ އިތުރުން ޕީޕީއެމްގެ ނާއިބު ރައީސް ޝިޔާމް ވިދާޅުވެފައިވަނީ އޭނާގެ ޢަޒުމަކީ ރައްޔިތުން އެދޭ އަމާޒަށް ޤައުމު ގެންގޮސްދެއްވުމަށް ރައީސް ޑރ.މުޢިއްޒަށް އެންމެ ފުރިހަމައަށް އެއްބާރުލުން ދެއްވާނެ ކަމުގައެވެ.
އަދި އޭނާއަށް އިތުބާރުކުރައްވާ ރައީސް ޑރ. މުއިއްޒު އަޅުގަނޑާ ހަވާލުކުރެއްވި ޤައުމީ މަސްޢޫލިއްޔަތު އޭނާގެ ލަޔާޣަތާ ޤާބިލިއްޔަތު ތަންދިން އެންމެފުރިހަމައަކަށް އަދާކޮށްދީ ޤައުމާ ރައްޔިތުންނަށް އިޚުލާސްތެރި މަސައްކަތްތަކެއް ކޮށްދީ ދިވެހީން ގެނައި މި އުއްމީދީ ސަރުކާރު ދަމަހައްޓަން އެންމެކުރީސަފުގައި މަސައްކަތްކޮށްދިނުމުގައި އޭނާ ތައްޔާރަށް ހުންނެވި ކަމުގައި ޝިޔާމް ވިދާޅުވިއެވެ.
19 ވަނަ މަޖިލީހާއެކު ޕާޓީގެ ނައިބުރައީސެއްގެވެސް މަސްޢޫލިއްޔަތާއެކު މަޖިލީހުގައި އިދިކޮޅު ޕާޓީއެއްގެ ގޮތުގައި މަދު މެންބަރުންކޮޅަކާއެކު ސަރުކާރު ޖަވާބުދާރީ ކުރުމުގެ މުހިއްމު މަސްޢޫލިއްޔަތު ވެގެންދިޔައީ ބުރަ އަދި އެހާމެ އުނދަގޫ މަސައްކަތަކަށެވެ. އެންމެ ބޮޑު ގޮންޖެހުމަކަށްވީ ޕާޓީގެ… pic.twitter.com/j4nPznuxBF
— Ahmed Shiyam (@Shiyamaldives) November 24, 2023
އޭގެ އިތުރުން ކުރިން ރައީސް ޔާމިންއާއި އެންމެ އަރިސް އެއް ބޭފުޅެއްގެ ގޮތުގައި ހުންނެވި އަދި ރައީސް ޔާމިން ޖަލުގައި އޮންނެވިއިރު ދެޕާޓީގެވެސް އެންމެ އިސް ބޭފުޅެއްގެ ގޮތުގައި ހުންނެވި، ޑރ. މުއިއްޒުގެ މިހާރުގެ ޕޮލިޓިކަލް އެޑްވައިޒަރު އަބުދުއަރަހީމް ކުރެއްވި ޓުވީޓެއްގައި ވިދާޅުވީ ފަސްއެނބުރި ބެލުމެއް ނެތި ޕީޕީއެމް/ޕީއެންސީ ދާނީ ރައީސް ޑރ. މުހައްމަދު މުއިއްޒާއެކު ކުރިއަށް ކަމަށެވެ.
އަބްދުއްރަހީމް ސޯޝަލް މީޑިއާގައި ކުރެއްވި ޕޯސްޓެއްގައި ވިދާޅުވީ ޕީޕީއެމް/ޕީއެންސީއަކީ އެންމެ ފުރަތަމަ ގައުމު އިސް ކުރާ ދެ ޕާޓީ ކަމަށެވެ. އަދި އެ ދެ ޕާޓީ އޮތީ ދިވެހި ރައްޔިތުންގެ ނިންމުމާ އެއްގޮތަށް ރައީސް މުއިއްޒާއެކު ފިސާރި ސާބިތުވެ ކަމަށް ވެސް އޭނާ ވިދާޅުވިއެވެ.
މާތް ﷲ ގެ ވާގިފުޅާ އެކު ރައީސް ޑރ. މުއިއްޒުގެ ސަރުކާރު ވެގެން ދާނީ ދިވެހި ގައުމާއި ރައްޔިތުންނަށް އުފާ ފާގަތިކަން ގެނެސްދޭނެ ސަރުކާރަކަށް. ފަސް އެނބުރި ބެލުމެއް ނެތި އަޅުގަނޑުމެން ދާނީ ކުރިއަށް.
ރައީސް މުއިއްޒުގެ ހާއްސަ މުޝީރެއްގެ ގޮތުގައި ހުންނެވި އަބްދުއްރަހީމް ވިދާޅުވިއެވެ.
PPM/PNC akee “Enme furatha Gaumu” is kuraa 2 Party. Alhugan’dumen mithibee Dhivehi Rayyithunge ninmumaa ehgothah Raees Dr.Muizzu aa eku fisaari saabithuve.Maiy Allahuge vaagi fulhaa eku Raees Dr.Muizzuge sarukaaru vegen dhaanee Dhivehi Gaumaa Rayyithunnah ufaa faagathikan… pic.twitter.com/6UWtjwLt68
— Abdul Raheem Abdulla (@Banafsaa) November 24, 2023
ޕީޕީއެމްގެ ލީޑަރޝިޕްގެ އިތުރުންވެސް، ރައީސް މުއިއްޒުގެ ސަރުކާރުގެ އިސްމަގާމްގައި ތިއްބެވި، ޕީޕީއެމް ޕީއެންސީގެ އިސް އެހެންވެރިންވެސް ވަނީ ރައީސް މުއިއްޒުއަށް ތައީދު ކުރައްވާކަން ވަނީ ހާމަކޮށްފައެވެ. އޭގެ ތެރޭގައި ޕީއެންސީގެ ނައިބު ރައީސްގެ މަގާމްގައި ހުންނެވި، މިހާރު އިކޮނޮމިކް މިނިސްޓަރ މުހައްމަދު ސައީދުއާއި، ހެލްތު މިނިސްޓަރު ކަމުގެ މަގާމުގައި ހުންނެވި ޚަލީލްވެސް ވަނީ އެބޭފުޅުން ދެމިތިއްބަވާނީ ރައީސް މުއިއްޒުގެ ސަރުކާރު ދެމެހެއްޓުމުގައި ކަމުގައި ވިދާޅުވެފައެވެ.
އޭގެ އިތުރުން، ރައީސް މުއިއްޒުގެ ޚާއްސަ މުޝީރު އަބުއްދުއްރަހީމްގެ ދަރިފުޅު އިބްރާހިމް ފައިސަލްވެސް ވިދާޅުވެފައިވަނީ ރާއްޖޭގެ އިޤްތިސާދީ ފުދުންތެރިކަމާއި ހަމަޖެހުން ޤާއިމުކުރުމަށް ރައީސް ޑރ.މުހައްމަދު މުއިއްޒާއެކީ ކުރިއަށް ދިއުން މުހިންމު ކަމަށް ވިދާޅުވެފައެވެ.
ރައީސް ޔާމިން އާ ޕާޓީއެއް އުފެއްދެވުމުގެ މަސައްކަތް ކުރައްވަމުން ގެންދަވާއިރު، ޕީޕީއެމްއިން ދަނީ މިރޭ އެ ޕާޓީގެ ސެނެޓްގެ ބައްދަލުވުމަށް ބޭވުމަށެވެ. ރައީސް ޔާމިން ޕީޕީއެމް ދޫކޮށްލެއްވީ އެ ޕާޓީ ހިންގަން އެމަނިކުފާނު ސްޓިއަރިން ކޮމިޓީއެއް ހަމަޖެއްސެވުމާއި ގުޅިގެން ޕާޓީގެ އެތެރެ ހޫނުވެ އެ މަސައްކަތުގައި އުޅުއްވި ބައެއް ފަރާތްތައް ޕާޓީ ކަނޑާލުމަށް ޕީޕީއެމްއިން ނިންމާފައި ވަނިކޮށެވެ.
