ސަރުކާރުން ރާއްޖޭގެ އެކި ކަންކޮޅުތަކުގައި ހިންގަމުންދާ ޕަބްލިކް ސެކްޓާ އިންވެސްޓްމެންޓް ޕްރޮގްރާމް (ޕީއެސްއައިޕީ) މަޝްރޫޢުތަކުގެ މުއްދަތު ހަމަސް ދުވަހަށް އިތުރުކޮށްދޭން ސަރުކާރުން ނިންމައިފިއެވެ.
ޕީއެސްއައިޕީ މަޝްރޫޢުތަކުގެ މުއްދަތު އިތުރުކުރުމާއި ގުޅޭގޮތުން ފިނޭންސް މިނިސްޓަރ އިބްރާހީމް އަމީރު ސޮއިކުރައްވާ ނެރުއްވި ސާރކިއުލާގައިވަނީ، ކޮންޓެކްޓަރުންނަށް ކޯވިޑް 19ގެ ސަބަބުން ދިމާވި އެކިއެކި ދަތިތަކަށް ލުޔެއް ހޯދައިދިނުމުގެ ގޮތުން 30 މެއި 2023 ގެ ކުރިން ސޮއިކޮށްފައިވާ މަޝްރޫއުތަކުގެ ތެރެއިން މިހާރު ވެސް ކުރިއަށްދާ މަޝްރޫޢުތަކުގެ މުއްދަތު ހަމަސް ދުވަހަށް އިތުރުކޮށްދިނުމަށް ނިންމާފައިވާކަމަށެވެ. އަދި މުއްދަތު އިތުރުކޮށްދިނުމަށް ނިންމާފައިވަނީ އެކަމަށް އެދި ހުށައަޅާ ފަރާތްތަކަށްކަމަށް ސާރކިއުލާގައި ބުނެފައިވެއެވެ.
އެހެންކަމުން މުއްދަތު އިތުރުކުރާނީ އެކަމަށް އެދި 16 ނޮވެމްބަރު 2023 ގެ ނިޔަލަށް އިދާރާތަކަށް އަންގާ ކޮންޓްރެކްޓަރުންގެ ކޮންޓްރެކްޓްތަކުގެ މުއްދަތު އިތުރުކޮށްދޭން ނިންމާފައިވާކަމަށް ބުނެފައިވެއެވެ.
އަމީރު ސޮއިކުރައްވާ ފޮނުއްވި އެ ސާރކިއުލާފައި މާލިއްޔަތު ޤަވާއިދުގެ 10.49 ރ. އާ ހަވާލާދީ ވަނީ އެފަދަ ހުށަހެޅުންތަކަށް ހުއްދަ ދީ ކޮންޓްރެކްޓުގެ މުއްދަތު އިތުރުކޮށް އެއްބަސްވުންތައް އަދާ ހަމަކުރުމަށްވެސް އެދިފައެވެ.
