އިންތިޚާބީ ރައީސް ޑރ. މުޙައްމަދު މުއިއްޒުގެ ބޯހިޔާވަހިކަމުގެ ސިޔާސަތުގައި ހިމެނޭ އެންމެ މުހިންމު އެއް މަޝްރޫކަމަށްވާ ފުށިދިއްގަރުފަޅު ހިއްކަން އަންނަ އަހަރުގެ ބަޖެޓުގައި ހިމަނައިފިއެވެ.
އަންނަ އަހަރަށް ލަފާކޮށް ރައްޔިތުންގެ މަޖިލީހަށް ހުށައަޅާފައިވާ ބަޖެޓުގައި ފުށިސިއްގަރު ފަޅު މަޝްރޫޢުއަށް ބަޖެޓުގައި 400 މިލިއަން ރުފިޔާ ވަނީ ކަނޑައަޅާފައެވެ. ޑރ.މުޢިއްޒު ވިދާލުވެފައިވަނީ ފުށިދިއްގަރުފަޅު ހިއްކާނީ ސޭފްއައިލެންޑް ކޮންސެޕްޓަށްކަމަށް މުއިއްޒު ވިދާޅުވެފައިވެއެވެ. 1200 ހެކްޓަރަށްވުރެ ބޮޑަށް ހިއްކާ އެ ސަރަހައްދަކީ ހުޅުމާލޭ ދެފޭސްގެ ތިންގުނައަށްވުރެ ބޮޑު ސަރަަހައްދެކެވެ. ވެރިކަމުގެ ފުރަތަމަ ތިން މަސްދުވަހުގެތެރޭގައި ފެށުމަށް ނިންމާފައިވާ އެ މަޝްރޫޢު އެއް އަހަރުތެރޭ ނިންމާނެކަމަށް މުއިއްޒު ވިދާޅުވެފައިވެއެވެ.
ފުށިދިއްގަރު ފަޅު ހިއްކައި، 11000 ގޯއްޗާއި 20000 ފްލެޓް އެތަނުގައި ތަރައްޤީކުރުމަށް މުއިއްޒު ނިންމާފައިވެއެވެ.
މީގެ އިތުރުން ބަޖެޓުގައި ބީހިޔާވަހިކަމުގެ މަޝްރޫޢުތަކަށް 404 މިލިއަން ރުފިޔާ ކަނޑައަޅާފައިވާއިރު، ބިން ހިއްކުމަށް 1.6 ބިލިއަން ރުފިޔާ ކަނޑައަޅާފައިވެއެވެ. ފެނާއި ނަރުދަމާއަށް 645 މިލިއަން ރުފިޔާއާއި، މަގުހެދުމުގެ މަޝްރޫޢުތަކަށް 565 މިލިއަން ރުފިޔާ ބަޖެޓުގައި ހިމަނާފައިވެއެވެ. އަދި އެއަރޕޯޓްތައް ތަރައްޤީކުރުމަށް 462 މިލިއަން ރުފިޔާއާއި، ތަޢުލީމީ ދާއިރާގެ ވަސީލަތްތައް ޤާއިމުކުރުމަށް 237 މިލިއަން ރުފިޔާ ބަޖެޓުގައި ކަނޑައަޅާފައިވެއެވެ. މީގެ އިތުރުން ލަފާފުރުމުގެ ދަތިކަން ހައްލުކުރުމަށް 3.2 ބިލިއަން ރުފިޔާވެސް ބަޖެޓުގައި ހިމެނެއެވެ.
މި ހުރިހާ މަޝްރޫއުތަކާއި ތަޢުލިމާއި އެނޫންވެސް އެކި ތަރައްޤީގެ މަޝްރޫޢުތަކަށް 8.6 ބިލިއަން ކަނޑައަޅާފައިވެއެވެ. މީގެތެރެއިން އަލަށް ފަށާ މަޝްރޫޢުތަކަށް 1.1 ބިލިއަން ޚަރަދުކުރުމަށް ހިމަނާފައިވެއެވެ.
