އަންނަ އަހަރު ބާއްވާ ރައްޔިތުންގެ މަޖިލީހުގެ އިންތިހާބުގެ މަސައްކަތްތަކަށް އިލެކްޝަންސް ކޮމިޝަން (އީސީ) އިން ގިނަ އަދަދެއްގެ މުވައްޒަފުން ހޯދަން އިއުލާންކޮށްފިއެވެ.
އެ ކޮމިޝަނުން ކުރި އިއުލާނުތަކުގައި ބުނީ ސެކިއުރިޓީ އާއި ލޮޖިސްޓިކް އޮފިސަރުންނާއި މެނޭޖަރުން އަދި އޮފިސަރުން ފަދަ މަގާމުތަކަށް 306 މުވައްޒަފުން ބޭނުންވާ ކަމަށެވެ. އެ މަގާމުތަކަށް ޑިސެމްބަރު 31 ގެ ކުރިން ކުރިމަތިލުމުގެ ފުރުސަތު ހުޅުވާލެވިފައިވާ ކަމަށް ކޮމިޝަނުން ބުންޏެވެ.
އިންތިހާބަށް މުވައްޒަފުން ނަގަން އިއުލާނު ކުރި ނަމަވެސް އެ އިންތިހާބު ބާއްވާ ތާރީހެއް އަދި އިއުލާނެއް ނުކުރެއެވެ.
މަޖިލިހުގައި 87 މެމްބަރުން މިހާރު ތިއްބަވާ އިރު، އަލަށް އޮންނަ ރައްޔިތުންގެ މަޖިލިހުގެ އިންތިހާބުގައި 93 މެމްބަރުން އިންތިހާބު ކުރާނެއެވެ.
