ރައްޔިތުންގެ މަޖިލީހުގެ ރައީސް މުޙައްމަދު ނަޝީދު އުޅުއްވަނީ، ޖަޒުބާތުގައި ޖެހި ޤައުމު "ފުނޑާލަން"ކަމަށް ފޭދޫ ދާއިރާގެ އެމްޑީޕީ މެންބަރު މުޙައްމަދު ނިހާދު ވިދާޅުވެއްޖެއެވެ.
ނިހާދު މިހެން ވިދާޅުވެފައިމިވަނީ ރިޔާސީ އިންތިޚާބަށްފަހު އަނެއްކާވެސް ބަރުލަމާނީ ނިޒާމެއް ރާއްޖެއަށް ގެނައުމަށް ރައީސް ނަޝިދު މަސައްކަތް ފަށްޓަވާފައިވާ ދަނޑިވަޅެއްގައެވެ. އެމްޑީޕީގެ ގިނަ މެންބަރުން ރައީސް ނަޝީދާ އެކޮޅަށް ވަނީ ނިކުންނަވާފައެވެ. އެމްޑީޕީން ގަބޫލުކުރަނީ، ރިޔާސި އިންތިޚާބު އެޕާޓިއަށް ގެއްލުމުގައި ރައީސް ނަޝިދުގެ ދައުރު ބޮޑުކަމަށެވެ. އެހެންކަމުން އެޕާޓިގެ ގިނަ މެންބަރުން އަންނަނީ ރައީސް ނަޝީދު ތާޢީދު ކުރައްވާ ބަރުލަމާނީއަށް ނޫނެކޭ ބުނަމުންނެވެ. އަދި "ނަޝީދު ނޫންގޮތެއް"ކަމަށް ބުނަމުންނެވެ.
ފޭދޫ ދާއިރާގެ މެންބަރު ނިހާދު ވިދާޅުވީ، ރައީސް ނަޝީދު އުޅުއްވަނީ ޤައުމު "ފުނޑާލަން"ކަމަށެވެ.
– ނިހާދު ވިދާޅުވިއެވެ.
ރޭ ބޭއްވި އެމްޑީޕީގެ ޤައުމީ މަޖިލީހުގެ ބައްދަލުވުމުގައި ހުރިހާ މެންބަރުންވެސް ވަނީ ރައީސް ނަޝީދަށް ފާޑުވިދާޅުވެފައެވެ. އަދި ވެރިކަމަށް އިންތިޚާބުވި ޑރ.މުޙައްމަދު މުއިއްޒަށް ފުރުޞަތު ނުދެއްވަން ނަޝީދު މަސައްކަތްކުރައްވާކަމަށްވެސް ތުހުމަތުކުރެއްވިއެވެ. އަދި ރައީސް ނަޝިދު ކުރައްވާ މަސައްކަތަކީ "ބަޣާވާތެއް"ގެ ގޮތުގައިވެސް މެންބަރުން ސިފަކުރެއްވިއެވެ.
