ރިޔާސީ އިންތިހާބުގެ ފުރަތަމަ ބުރުގައައި އަމިއްލަ ގޮތުން ވާދަކުރައްވައި ހަތަރުވަނައަށް އެންމެ ގިނަ ވޯޓު ހޯއްދެވި އުމަރު ނަސީރުގެ ރަނިން މޭޓު އަހުމަދު ސަލީމް (މާޒް ސަލީމް)، އިންތިހާބުގެ ދެވަނަ ބުރުގައި އެމްޑީޕީގެ ކެންޑިޑޭޓު ރައީސް އިބްރާހިމް މުހައްމަދު ސޯލިހަށް ތާއީދުކުރައްވަން ނިންވެ ނިންމުމަކީ މާޒް ސަލީމްގެ އަމިއްލަ ނިންމެވުމެއް ކަމަށް އުމަރު ނަސީރު ވިދާޅުވެއްޖެއެވެ.
މާޒް ތާއީދު ކުރުމާއި ގުޅިގެން ބައެއް ފަރާތްތަކުން ވަނީ އުމަރުގެ ތާއީދު އޮތީ ރައީސް ޞާލިހަށް ކަމަށްބުނެ އަޑު ފަތުރާފައެވެ. ނަމަވެސް އުމަރު ވިދާޅުވީ އޭނާގެ ރަނިންގްމޭޓް އަހުމަދު ސަލީމް އެމް،ޑީ،ޕީ ކެންޑިޑޭޓް އަށް ތާއީދު ކުރައްވަން ނިންމެވި ނިންމެވުން އެއީ އެބޭފުޅާގެ އަމިއްލަފުޅު ނިންމެވުމެއް ކަމަށެވެ.
އަޅުގަޑުކުރެން ލަފަޔަކަށް އެދުނު ނަމަ، ވަކިކޮޅަކަށް ނޭރުމަށް ލަފާ އަރުވާނަން. އަޅުގަޑާއެކު މަސައްކަތް ކުރެއްވި ކޮންމެބޭފުޅަކީވެސް އަމިއްލަ މިނިވަން ބޭފުޅުން. އަމިއްލަ ނިންމުން ނިންމެވޭނެ ބޭފުޅުން. ކޮންމެ ނިންމެވުމެއް ނިންމެވިޔަސް އެކުވެރިކަމާ ގާތްކަން އޮންނާނެ.
– އުމަރު ވިދާޅުވިއެވެ.
އުމަރު ވިދާޅުވީ ކޮންމެ މީހަކު ކޮންމެ ގޮތަކަށް ނިންމެވި ނަމަވެސް އޭނާގެ ނިންމުން ސާފު ކަމަށާއި، އެނާ ގެން ނިންމުމަކީ އެއްވެސް ކެންޑިޑެޓަކަށް ތާއީދު ނުކުރުންކަމަށެވެ. އަދި އެނިންމުން ބަދަލުވެސް ނުކުރައްވާނެ ކަމަށެވެ.
އަޅުގަޑުގެ ނިންމުން ވަރަށް ސާފެވެ. އަދި ބަދަލެއްވެސް ނުވާނެއެވެ. އެއީ ވަކިބޭފުޅަކަށް ތާއީދު ނުކޮށް ހުރުމެވެ.
– އުމަރު ވިދާޅުވިއެެވެ.
ރިޔާސީ އިންތިހާބުގެ ދެވަނަ ބުރު އަންނަ ހޮނިހިރު ދުވަހު އޮންނައިރު، ފުރަތަމަ ބުރުގައި ރައީސް ސޯލިހަށް ލިބުނީ ދެވަނަ އެވެ. ކުރީގައި އިދިކޮޅު ކެންޑިޑޭޓު މުއިއްޒު އުޅުއްވާއިރު، ތިންވަނައަށް ދިޔަ ޑިމޮކްރެޓްސް، ހަތަރުވަނައަށް ދިޔަ އުމަރު އަދި ފަސްވަނައަށް ދިޔަ ޖޭޕީއިންވެސް ވަނީ ދެވަނަ ބުރުގައި އެއްވެސް ކެންޑިޑޭޓަކަށް ތާއީދުނުކުރާން ނިންމާފައެވެ.
