ޑިމޮކްރެޓުންނަކީ ފަޅަކަށް ނަފްސު ވިއްކާލެނެ ބައެއް ނޫންކަމަށް ވިދާޅުވެ އެމްޑީޕީގެ ކުރީގެ ޗެއާޕާސަން އަދި ޑިމޮކްރެޓްސްގެ އިންޓަރިމް ޗެއާޕާސަން ހަސަން ލަތީފް ވިދާޅުވެއްޖެއެވެ.
ހަސަން މިހެން ވިދާޅުވީ ރަށްރަށުގައި ތިބި ޑިމޮކްރެޓްސްގެ ގިނަ މެންބަރުން ވެސް އެނބުރި އެމްޑީޕީއަށް ބަދަލުވާން ފަށައިފި ކަމަށާއި ކުރިއަށް އޮތް މަދު ދުވަސްކޮޅެއްގެ ތެރޭގައި އެދަދު އެތައް ގުނައަކުން އިތުވެގެންދާނެ ކަމަށް ބުނެ ދެއްކެވި ވާހަކަތަކައި ގުޅިގެންނެވެ.
ދޮންބިލޭއަކީ ރައީސް ނަޝީދާއި ވަރަށް އަރިސްކޮށް މަސައްކަތް ކުރެއްވި، އަދި މަޖިލީހުގައި މިސަރުކާރާރަށް ފާޑުވެސް ވިދާޅުވި ބޭފުޅެކެވެ. އަދި އަނބިކަނބަލުންނަކީ ޑިމޮކްރެޓްސް އުފެއްދުމަށް ކުރި މަސައްކަތުގައިވެސް އުޅުއްވި ބޭފުޅެކެވެ. ހަސަން ވިދާޅުވީ ޑިމޮކްރެޓްސްގެ މެމްބަރުންކީ ދޮންބިލޭ ފަދައިން ފަޅަކަށް ނަފްސު ވިއްކާލާނެ ބައެއް ނޫންކަމަށެވެ. އަދި މިހާރު ޑިމޮކްރެޓްސް އިން އެމްޑީޕީއާއި ދުރަށް ޖެހިލައިގެން އުޅެނީ ސީދާ ރައީސް ޞާލިހުގެ ސަބަބުން ކަމަށެވެ.
ޑިމޮކްރެޓްސްގެ މެމްބަރުންނަކީ ތިޔަހެން ފަޅަކަށް ނަފްސު ވިއްކާލާ ބައެއް ނަމަ މިޕާޓީ ނުއުފެއްދުނީސްކަން އަހުމަދަށް އޮޅިވަޑައި ގަތުމަކީ އަޅުގަނޑު ހައިރާންވާނެ ކަމެއްނޫން! ޑިމޮކްރެޓުން އެމްޑީޕީއާއި ދުރަށް ދިޔައީ ރައީސް ޔާމީންގެ ސަބަބަކުން ނޫން. ރައީސް ޞާލިހުގެ ސަބަބުން.
– ހަސަން ވިދާޅުވިއެވެ.
ދޮންބިލެތް ވިދާޅުވީ ޕީޕީއެމްގެ މަކަރާއި ހީލަތުގައި އެމްޑީޕީއާއި ޑިމޮކްރެޓްސްގެ މެންބަރުން ނުޖެހޭނެ ކަމަށާއި މިއަދު އެންމެން އެއް ރޫހެއްގައި މި ނިކުންނަނީ އަމާން އަދި އުފާވެރި ރާއްޖެއަކަށް ދިއުމަށް ކަމަށެވެ. ޑިމޮކްރެޓްސްގެ މެމްބަރުން ދެވަނަ ބުރުގައި ރައީސް ޞާލިހަށް ތާއީދު ކުރާނެކަމަށް ބުނެ ދައްކަމުންދާ ވާހަތަކަށް ޑިމޮކްރެޓްސްގެ އިސް ބޭފުޅުން ގެންދަނީ ރައްދު ދެއްވަމުންވެ. ޑިމޮކްރެޓްސްގެ އިސްބޭފުޅުން ދަނީ ވަރަށް ފާޅުގައި ރައީސް ޞާލިހަށް ތާއީދު ނުކުރާނެކަމަށް ބުނަމުންނެވެ.
ކޮމެންޓު ފޮނުވާ