ރިޔާސީ އިންތިޚާބުގެ ދެވަނަ ބުރުގައި ޑިމޮކްރެޓްސް އިން ނިންމާ ނިންމުން މިރޭ ހާމަކުރުމަށް ހަމަޖެހިއްޖެއެވެ.
ރިޔާސީ އިންތިޚާބުގެ ފުރަތަމަ ބުރުގައި ޑިމޮކްރެޓްސް އިންވަނީ 15،000 އަށްވުރެ ގިނަ ވޯޓު ހޯދައި އިންތިޚާބުގެ ތިން ވަނައަށް އެންމެ ގިނަ ވޯޓު ހޯދި ޕާޓީއަށް ވެފައެވެ. ޑިމޮކްރެޓްސް އިން ދެވަނަ ބުރުގައިި ނިންމާ ގޮތެއް ހާމަ ކުރާނީ މިރޭ ބާއްވާ އެޕާޓީގެ އިންޓަރިމް ކައުންސިލް ބައްދަލުވުމުގައެވެ.
ޑިމޮކްރެޓްސްގެ ކައުންސިލް ބައްދަލުވުން އޮތީ މިރޭ 21:00 ގައެވެ. ދެވަނަ ބުރަށް އެ ޕާޓީއަށް ނުދެވުނުއިރު ދެވަނަ ބުރުގައި އިންތިޚާބުގެ ނަތީޖާ އަންނަ ގޮތެއްގައި އެންމެ މުހިންމު ދައުރެއް އަދައިކުރާނެ ޕާޓީއަކަށް ވާނީ ދަ ޑިމޮކްރެޓްސްއެވެ. އެގޮތުން ދަ ޑިމޮކްރެޓްސްއިން ވަނީ ދެވަނަ ބުރުގައި ގުޅޭނެ ޕާޓީއެއް ނިންމުމުގެ ކުރިން އެމްޑީޕީ އާއި ޕީޕީއެމާއެކު ވެސް މަޝްވަރާތައް ކުރިއަށް ގެންގޮސްފައެވެ.
ޑިމޮކްރެޓްސް އިން އެމްޑީޕީއާއި، ޕީޕީއެމްއަށްވެސް ހުށަހަޅާފައިވަނީ މިމަހުގެ 25 ގެ ކުރިން ނިޒާމީ ވޯޓު ނެގުމަށެވެ. ނަމަވެސް މިމައްސަލާގައި އެމްޑީޕީންވެސް އަދި ޕީޕީއެމްއިންވެސް އެއްވެސް ޖަވާބެއް މިހާތަނަށް ދީފައި ނުވެއެވެ.
ރިޔާސީ އިންތިހާބުގެ ދެވަނަ ބުރު އޮންނާނީ މިމަހުގެ 30 ވަނަ ދުވަހުއެވެ.
