ޤައުމީ ދުވަސް ފާހަގަކުރެވެނީ ކޮންމެ އަހަރެއްގެވެސް ރަބީއުލްއައްވަލު މަހުގެ ފުރަތަމަ ދުވަހެވެ. ޤައުމީ ދުވަސް ރަމްޒުކޮށްދެނީ، ޕޯޗުގީޒް އިސްތިޢުމާރުގެ އަތްދަށުން ދިވެހިރާއްޖެ ސަލާމަތްވެ، ދިވެހިރާއްޖޭގެ މިނިވަންކަން ލިބުނު މުނާސަބަތެވެ.
ޕީޕީއެމް/ޕީއެންސީން ރިޔާސީ އިންތިޚާބުގެ ދެވަނަ ބުރަށް ކުރަމުންދާ ކެމްޕޭންގައި މިރޭ އާޓްފިޝަލް ބީޗުގައި ބޭއްވި ޖަލްސާގައި ވާހަކަ ދައްކަވަމުން މުއިއްޒު ވަނީ މާދަމާ ބައްދަލުކުރާ 464 ވަނަ ޤައުމީ ދުވަހުގެ ތަހުނިޔާއާއި މުބާރަކް ބާދު ދިވެހި އެންމެހާ ރައްޔިތުންނަށް ފޮނުވާފައެވެ. މުއިއްޒު ވިދާޅުވީ ޤައުމީ ދުވަހާއި ބައްދަކު ކުރާއިރު، ދިވެހިންގެ ހިތްތަކުގައި ޤައުމިއްޔަތާއިމެދު އޮތް ލޯތްބާއި އަޒުމް އިތުުރަށް ވަރުގަދަ ކުރަންޖެހޭ ކަމަށެވެ.
ޤައުމީ ދުވަސް ބައްދަލު ކުރާއިރު، ދިވެހިންގެ މިނިވަންކަމާއި ސިޔާދަތާއި އިސްތިގުލާލު އޮތީ ނުރައްކާތެރި ފައްތަރެއް ކަމަށާއި، މިހާލަތަށް މިޤައުމު ގެންދިޔައީ މިސަރުކާރުން ގެންގުޅުނު ދޯހަޅި ޚާރިޖީ ސިޔާސަތުގެ ސަބަބުންކަމަށް ޑރ. މުއިއްޒު ވިދާޅުވިއެވެ.
މިއަދުވަނީ މިނިވަން ކަމުގެ ވާހަކަ އިންތިހާއަށް ދައްކަން ޖެހިފަ. ކުރިން އަޅުގަނދުމެންގެ މިނިވަން ނަގާލަން ކަޑިއާއި ބަޑީގެ ބޭނުން ކުރީ. ނަމަބެސް މިއަދު އެތަކެތި ބޭނުން ނުކޮށް މިނިވަންކަން ޖަހައި ގަތުމަށް މަސައްކަތް ކުރަނީ. މިފަދަ ކޮންމެ ހާލަތެއްގައި ރައްޔިތުން ހުއްބުލް ވަތަން އިސްކުރޭ. ދިވެހި ރައްޔިތުން މިކަމާއި ވިސްނައި މިނިވަންކަމުގެ ދިފާއުގައިި މިމަހުގެ 30 ވަނަ ދުވަހު ފުރިހަމަ ނިންމުމެއް ނިންމާނެ.
– މުއިއްޒު ވިދާޅުޅުވިއެވެ.
މުއިއްޒު ވިދާޅުވީ ރާއްޖޭގައި އެހެން ޤައުމެއްގެ ސިފައިން ތިބި މައްސަލާގައި މިސަރުކަރުން ދަނީ އެކި ފަހަރު އެކި ގޮތްގޮތަށް ވާހަކަ ދައްކަމުން ކަމަށެވެ. ބައެއްފަހަރު ސިފައިން ތިބިކަމަށް އެއްބަސްވެފައިވާއިރު، ތިބި މީހުންނަކީ ހެލިކޮޕްޓަރު ބަލަހައްޓާ މީހުންނާއި، އެނޫން ކަންކަން ކުރާ މީހުން ކަމަށް ބުނެފައިވާކަމަށެވެ. އަދި ފަހުން ސިފައިން ނެތްކަމަށްވެސް ބުނެފައިވާކަމަށެވެ. މުއިއްޒު ވިދާޅުވީ އެއްވެސް ސިފައެއްގައި އެހެން ގައުމެއްގެ ސިފައިން ތިބެގެން ނުވާނެކަމަށެވެ.
މިއަދު ދިވެހިންނަށް މިވަނީ ބޮޑު ތަކުރުފާނު ދިވެހިންގެ ރާއްޖެ ދިވެހިންނަށް ހޯދާ ދިންގޮތަށް އަލުން އަބުރައި ދިވެހިންގެ ރާއްޖެ ދިވެހިންނަށް ހޯދަން ޖެހިފައިކަމަށް މުއިއްޒު ވިދާޅުވިއެވެ.
ޤައުމީ ދުވަސް ނިސްބަތްވެ ވަޑައިގަންނަވަނީ، އުތީމު ބޮޑުތަކުރުފާނު، އަލްޣާޒީ މުޙައްމަދު ތަކުރުފާނުލް އަޢުޒަމް، ސިރީސަވާދީއްތަ މަހާރަދުންނަށެވެ. ޤައުމީ ދުވަހުގެ ގޮތުގައި 1946 ވަނަ އަހަރުން ފެށިގެން ކޮންމެ އަހަރެއްގެވެސް ރަބީއުލްޢައްވަލުމަހުގެ އެއްވަނަ ދުވަސް ފަހަގަކުރަމުން އަންނަނީ ޕޯޗުގީޒުންގެ 15 ވަރަކަށް އަހަރުވީ އަނިޔާވެރި ވެރިކަމުން އުތީމު މުޙައްމަދުތަކުރުފާނު ދިވެހިރާއްޖެ ސަލާމަތްކުރެއްވި ޙާދިސާގެ ހަނދާން އާކުރުމުގެ ގޮތުންނެވެ. އަދި ޤައުމީ ބަޠަލުން އިސްލާމް ދީނާއި ދިވެހި ޤައުމުގެ މިނިވަންކަމާއި ސިޔާދަތަށްޓަކައި ޖިހާދުކުރެއްވި މުޖާހިދުންގެ ހަދާން އާކޮށް، އެފަދަ މުޖާހިދުން ހުރިހާ ޖީލެއްގައިވެސް ތިބުމަށް ހިއްވަރުދިނުމާއި ހިއްވަރު ލިބިގަތުމެވެ.
