ހުޅުމާލޭ ހިޔާ ފްލެޓް ސަރަހައްދަށް ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒު މިއަދު ވަޑައިގެންނެވުމުން އެސަރަހައްދުގައި ދިރިއުޅޭ ރައްޔިތުންގެ ހޫނު މަރުހަބާއެއް މުއިއްޒަށް ދަންނަވައިފިއެވެ.
މިއީ ފުރަތަމަ ބުރުގައި ލިބުނު ކާމިޔާބީއަށްފަހު ދެވަނަ ބުރުގެ ކެމްޕޭންގައި މުއިއްޒު ހިޔާ ސަރަހައްދަށް ވަޑައިގެންނެވި ފުރަތަމަ ފަހަރެވެ. ދިގު ސަފެއް މުއިއްޒުއާއި ސަލާންކޮށް މަރުހަބާ ކިޔުމަށް ހިޔާ ފްލެޓް ސަރަހައްދުގެ ބަސްޓޮޕް 1 ކައިރިއަށް ޖަމާވެފައެވެ. ހުޅުމާލެއިން ވަނީ ޑރ. މުއިއްޒަށް ވަރަށް ބޮޑު އައުލަބިއްޔަތެއް ދެއްވާފައެވެ.
ހިޔާ ފްލެޓަކީ ރައީސް ޔާމީންގެ ވެރިކަމުގައި ދިވެހި ރައްޔިތުންނަށް ބޯހިޔާ ވަހިކަން ކަށަވަރު ކޮށް ދިނުމަށް އަޅާދިން ފްލެޓްތަކެކެވެ. މިފްލެޓްތައް އިމާރާތް ކުރުމުގައި އެންމެ އިސްކޮށް ކުރީހެ ސަރުކާރުގައި ހަރަކާތްތެރިވީ ޑރ. މުއިއްޒުއެވެ. ހިޔާ ސަރަހައްދުން މުއިއްޒުއާއިސަލާން ކުރަން ތިބި މީހުންނާއި ސަލާން ކުރުމަށް 1 ގަޑިއިރަށް ވުރެ ގިނަ ވަގުތު ވަނީ ހޭދަކޮށްފައެވެ.
މުއިއްޒު ވަޑައިގަންނަވާ ކޮންމެ ރަށަކުވެސް އަދި ކޮންމެ ސަރަހައްދަކުންވެސް ވަރަށް ހޫނު މަރުޚަބާއެއް ދަނީ ދަންނަވަމުންނެވެ. މުއިއްޒު ބައިވެރިވާ ބޮޑު ޖަލްސާއެއް މިރޭ އާރޓްފިޝަލް ބީޗުގައިވެސް އޮންނާނެއެވެ.
