ރިޔާސީ އިންތިޚާބުގެ ދެވަނަ ބުރުގައި، ދަ ޑިމޮކްރެޓްސްއިން ކޮމެޓީއެއް އެކުލަވާލައި އެމްޑީޕީއާއި، ޕީޕީއެމް/ޕީއެންސީއާއިއެކު މަޝްވަރާ އަށް ދިއުމަށް ނިންމައިފިއެވެ.
ދަ ޑިމޮކްރެޓްސްގެ އިންޓަރމް ކައުންސިލުން ބޭއްވި ބައްދަލުވުމުގައި ކައުންސިލުގައި ވާހަކަ ދެއްކެވި ހުރިހާ މެމްބަރުން ވަނީ މިސަރުކާރާއިއެކީ ކުރިއަށް ނުދާނެކަމަށް ބުނެފައެވެ. ވާހަކަ ދެއްކެވި ބޭފުޅުން ވަނީ މިހާރު އޮތް ދެ ޗޮއިސް ކަމުގައިވާ ރައީސް ޞާލިހާއި، ޑރ. މުއިއްޒާއިއެކީގައިވެސް ކުރިއަށް ދިއުމަކީ ފަސޭހަ ކަމެއް ނޫންކަމަށް ބުނެފައެވެ. ނަމަވެސް ޤައުމަށްޓަކައި ނިންމަންޖެހޭ ކޮންމެ ނިންމުމެއް ނިންމައިގެން ކުރިއަށްދާނެކަމަށް ވަނީ ބުނެފައެވެ.
އިންތިޚާބުގެ ދެވަނަ ބުރުގައި ކުރިއަށްދާނެ ގޮތަކާއި ގުޅޭގޮތުން މަޝްވަރާ ކުރުމަށް މެމްބަރުން ހަސަން އަފީފް ވަނީ ކޮމެޓީއެއް ހުށަހަޅުއްވާފައެވެ.
މަޝްވަރާއަށް އެކުލަވާލި ކޮމެޓީ:
– އިލްޔާސް ލަބީބް
– ހުސެއިން އަމްރު
– ހަސަން ލަތީފް
– އީވާ
– މުހައްމަދު ޝިފާޒު
– ޢަލީ އާޒިމް
– ބަޝީރު
– އަންސަރު
މިބައްދަލުވުމުގައި ވާހަކަ ދައްކަވަމުން ޑިމޮކްރެޓްސްގެ ރިޔާސީ ކެންޑިޑޭޓް އިލްޔާސް ލަބީބް ވިދާޅުވީ އޮތީ ތިން ގޮތެއް ކަމަށެވެ. އެއްގޮތަކީ އެއްވެސް ކޮޅަކަށް ނާރާ ތިބުން ކަމަށެވެ. އަނެއް ގޮތަކީ ރައީސް ޞާލިހު ފަހަތަށް އެރުން ނޫނީ، ޑރ. މުއިއްޒުގެ ފަހަތަށް އެރުންކަމަށެވެ. މިތިން ގޮތުގެ ތެރެއިން ގޮތެއް ނިންމާނީ ޢާންމު މެމްބަރުންނާއި ރައްޔިތުންނާއި ޤައުމަށް އެންމެ ރަނގަޅު ގޮތަކަށް މަޝްވަރާ ކުރުމަށްފަހު އިލްޔާސް ވިދާޅުވިއެވެ.
ޑިމިކްރެޓްސްގެ އިންޓެރިމް ކައުންސިލްގެ ބައްދަުވުން.#Live
@Sangu_TV
, @DhivehiChannel @oceantvnetwork #WeTheDemocrats pic.twitter.com/SvX0iOqr5j— Sim (@Simwarr) September 12, 2023
ވާހަކަ ދެއްކެވި މެމްބަރުންގެ ތެރެއިން މެޖޯރިޓީ މެމްބަރުން ވަނީ ޑިމޮކްރެޓުން މިސަރުކާރަށް އެމްޑީޕީއަށް ތާއީދު ކުރިނަމަވެސް އެމްޑީޕީއަށް ވޯޓު ނުލާނެކަމަށް ބުނެފައެވެ. އެއްވެސް ބޭފުޅަކު ސީދާ ޑރ. މުއިއްޒުއާއިއާއިއެކު ކުރިއަށް ނުދެވޭނެކަމަށް ވިދާޅުވެފައި ނުވެއެވެ.
ޑިމޮކްރެޓްސްގެ މެމްބަރުންގެ ވާހަކަތަކުގައި މިހާރު އޮތް ހާލަތުން އަރައިިގަތުމަށް އޮތް އެންމެ ރަނގޅު ހައްލަކީ ބަރުލަމާނީ ނިޒާމުކަމަށްވެސް ވަނީ ބުނެފައެވެ.
