އިދިކޮޅު ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒު ވޯޓު ލައްވައިފިއެވެ.

މުއިއްޒު ވޯޓު ލެއްވީ ތާޖުއްދީން ސްކޫލުގައި ބަހައްޓާފައިވާ އެދާއިރާގެ ވޯޓު ފޮއްޓަށެވެ. މުއިއްޒުއަކީ މިފަހަރުގެ އިންތިޚާބުގައި ރައީސް ޔަމީނަށް ކެންޑިޑޭސީ ގެއްލުމުން، އިދިކޮޅު ޕީޕީއެމް/ޕީއެންސީން ވާދަ ކުރައްވާ ކެންޑިޑޭޓެވެ. މިއަަހަރުގެ ރިޔާސީ އިންތިޚާބުގައި ރާއްޖޭގެ ހުރިހާ ކަންކޮޅެއްގައިވެސް މިހާރުވަނީ ވޯޓުލާން ފަށާފައެވެ.

މުއިއްޒުގެ ރަނިންމޭޓް ސެމްބެވެސް ވަނީ ވޯޓު ލައްވާފައެވެ. މީގެ އިތުރުން ގިނަ ރިޔާސީ ކެންޑިޑޭޓުންނާއި ރަނިންމޭޓުން ގެންދަނީ ވޯޓު ލަމުންނެވެ.

ވޯޓު ކުރިޔަށް ދާނެ ގޮތް:

– ރިޔާސީ އިންތިހާބު 2023 ގެ ވޯޓުލުން ފެށޭނީ، ހެނދުނު 8:00 ގައި.
‏- ވޯޓުލުން ނިމޭނީ ހަވީރު 4:00 ގައި.
‏- ހެނދުނު 7:30 ން ފެށިގެން،
‏- ކިޔޫ ގައި މަޑުކުރެވޭނެ.
– ‏ވޯޓުލާން ފުރަތަމަ އަންނަ 2 މީހުންގެ ހާޒިރުގައި ސެކިޔުރިޓީ އުރަ ކަނޑާލުމަށްފަހު، 8 ޖަހާއިރު ވޯޓުލުން ފެށިގެން ދާނެ.
‏- ހަވީރު 4 ޖަހާއިރު ވޯޓުލުމަށް ކިއޫގައި މީހަކު ނެތްނަމަ، ކިޔޫ ބަންދު ކުރާނެ.
‏- ވޯޓު ގުނަން ފަށާނީ އާންމު ގޮތެއްގައި، ހަވީރު 4:30 ގައި.
‏- މިހާރު ހުރިހާ ވޯޓުލާ މަރުކަޒުތަކުގައި ‏އޮފިޝަލުން ދަނީ އިންތިޚާބު މޮނިޓަރ ކުރަމުން.

‏ވޯޓުލާން ފެށުމާއެކު ވީހާވެސް އަވަހަކަށް ވޯޓުލުމުގެ ޙައްގު އަދާކުރެއްވުމަށް އިލެކްޝަންސް ކޮމިޝަނުން ވަމީ އިލްތިމާސް ކޮށްފައެވެ.