ރ.އިންނަމާދޫގައި ހަރަކާތްތެރިވާ މިސަރުކާރު ކޯލިޝަންގައި ހިމެނޭ އަދާލަތު ޕާޓީއަށް ނިސްބަތްވާ ގިނަ އަދަދެެއްގެ މެމްބަރުން އެޕާޓީން ވަކިވެ އިދިކޮޅު ޕްރޮގްރެސިވް ކޮންގްރެސް ކޯލިޝަނާއި ގުޅިއްޖެއެވެ.
އަދާލަތު ޕާޓީއަކީ ރައީސް އިބްރާހިމް މުހައްމަދު ޞާލިހު ރިޔާސީ ދެވަނަ ދައުރަކަށް އިންތިޚާބު ކުރުމަށް ބައިއަތު ހިފައި ކެމްޕޭންގައި އިސްކޮސް ހަރަކާތްތެރިވާ ޕާޓީއެކެވެ. އެޕާޓީގެ މިނިންމުމާއިމެދު ބައެއް އެޕާޓީއަށް ނިސްބަތްވާ ބައެއް ޢާންމު މެމްބަން ދަނީ ނުރުހުން ފާޅުކޮށް އެޕާޓީން ވަކިވަމުންނެވެ.
ރޭ އިންނަމާދޫން ގުޅުނު އަދާލަތަށް ނިސްބަތްވާ 73 މެމްބަރުންނަކީ އެރަށުގައި އަދާލަތު ކުރިއެރުވުމަށް އެންމެ އިސްކޮށް ހަރަކާތްތެރިވި މެމްބަރުންނެވެ. މިބޭފުޅުން ޕީޕީއެމްއާއި ގުޅުމުން އިންނަމާދޫގައި މިހާރު ތިބެނީ އަދާލަތަށް ނިސްބަތްވާ ވަރަށް މަދުބައެކެވެ.
މިބޭފުޅުންގެ އިތުރުން އިންނަމާދޫ އެމްޑީޕީގެ ހަރަކާތްތަކުގައި އެންމެ އިސްކޮށް ހަރަކާތްތެރިވާ ހުސެން ރައޫފް އަދި އިބްރާހިމް ރަޝީދުވެސް ވަނީ ރިޔާސީ އިންތިޚާބުގައި މުއިއްޒުއަށް ތާއީދުކޮށް ޕީޕީއެމްއާއި ގުޅިފައެވެ.
