ރ. އިންނަމާދޫ ކައުންސިލްގެ އެމްޑީޕީ އަށް ނިސްބަތްވާ އެކައުންސިލްގެ ނައިބް ރައީސާއި މިނިވަން 2 މެމްބަރުން ޕީޕީއެމްއާއި ގުޅިއްޖެއެވެ.
ރިޔާސީ ކެމްޕޭންގައި ޕީޕީއެމްގެ ނައިބް ރައީސް ޝިޔާމާއި، ކުރީގެ މަޖިލިސް މެމްބަރުން ކަމުގައިވާ ފަލާހުއާއި، ޑރ. ޚަލީލް ބައިވެރިވި އިންނަމާދޫ ކިއްސަރު ޖަގަހަ ހުޅުވުމަށް ބޭއްވި މިރަސްމިއްޔާތުގައި އެރަށު ގިނަ އަދަދެއްގެ ބަޔަކު ވަނީ ބައިވެރިވެފައެވެ. އިންނަމާދޫ ކައުންސިލްގެ ނައިބް ރައީސް އަހުމަދު ރުމާޒުގެ އިތުރުން ރޭ ސޮއިކޮށްފައިވަނީ ކައުންސިލަށް މިނިވަންކޮށް ހޮވުނު އާމިނަތު ނުހާ އަދި އާމިނަތު ސަމާހާއެވެ.
މީގެ ތެރެއިން ކައުންސިލް ނައިބް ރައީސް ރުމާޒު އަކީ ވެރިކަން ކުރާ މައި ޕާޓީއަށް ނިސްބަތްވާ އެމްޑީޕީގެ ކައުންސިލަރެކެވެ. ރޭ ސޮއިކުރި މެމްބަރުން ވަނީ ހޮނިހިރު ދުވަހު ބާއްވާ ރިޔާސީ އިންތިޚާބުގައި ޕީޕީއެމްގެ ރިޔާސީ ކެންޑިޑޭޓް ޑރ.މުއިއްޒު އިންތިޚާބު ކުރުމަށް ބައިއަތު ހިފައި އިންނަމާދޫ މެޖޯރިޓީ މުއިއްޒުއަށް ނަގާނެ ކަމަށް ބުނެފައެވެ.
ރޭގެ ސޮއި ކުރުމުގެ ރަސްމިއްޔާތުގައި އެރަށުން ގިނަ އަދަދެއްގެ ބަޔަކު ވަނީ ޕީޕީއެމްއާއި ގުޅިފައެވެ.
