ކ. ތުލުސްދޫއާއި، ހުރާގެ ގިނަ ބަޔަކު ޑރ. މުއިއްޒުއަށް ތާއީދުކޮށް ޕީޕީއެމްއާއި ގުޅިއްޖެއެވެ.
މިރޭ ތުލުސްދޫގައިި އޮތް ޖަލްސާގައި ގުޅުނު މީހުންގެ ތެރޭގައި ތުލުސްދޫގާއި ހުރާގެ ގިނަ އަދަދެއްގެ ޒުވާނުންގެ ހިމެނެއެވެ. ޕީޕީއެމްއާއި ގުޅުމަށްފަހު ފޯމު ހަވާލު ކުރެއްވީ ރިޔާސީ ކެންޑިޑޭޓް ޑރ.މުއިއްޒުއާއި، ޕީޕީއެމް/ޕީއެންސީ ހިންގުމާއި ހަވާލުވެ ހުންނެވި އަބްދުއްރަހީމްއާއިއެވެ.
މުއިއްޒު ވަނީ އާނާއަށް ތާއީދުކޮށް ގިނަ ބަޔަކު ގުޅުނުކަމީ މިއިންތިޚާބު އެއްބުރުން ކާމިޔާބު ކުރުމަށް ލިބިގެންދިޔަ ބޮޑު ހިތްވަރެއް ކަމަށް ވިދާޅުވެފައެެވެ. މުއިއްޒުވަނީ މާލެ އަތޮޅުގެ ރަށްތަކަށް ކުރާނެ ބައެއް ކަންކަން މިޖަލްސާގައި ހިއްސާ ކޮށްފައެވެ.
މާލެ އަތޮޅުގެ ރަށްތަކަށް ކޮށްދެއްވާނެ ބައެއް ކަންކަން:
– މަގުތަށް ހެދުމަކީ ކ.އަތޮޅުގެ ގިނަ ރަށްތަކުގެ އެދުން އެކަން ކޮށްދޭނެ ކަމެއް
– ފެނާއި ނަރުުދަމާގެ މަސައްކަތް ކުރަންޖެހޭ ރަށްތަކުގައި ކޮށްދޭނަން
– ސިއްޚީ މަރުކަޒުތަކުގައި ލެބޯރިޓީތައް ޤާއިމްކޮށްދޭނަން
– ސްކޫކުތައް އަޕްގްރޭޑް ކުރުމަށް ކުރަންޖެހޭ މަސައްކަތް ކުރާނަން
– ކަށިދޫގައިި ޑްރަގު ރިހިބިލިޓޭޝަން ސެންޓަރެއް ޤާއިމް ކުރާނަން
ތުލުސްދޫއަށް ވެވަޑައިގެންނެވި ވައުދުތައް:
– އުތުރު ފަރާތުގައި ބަނދަރެއް ޤާއިމް ކޮށްދޭނަން
– ހައުސިން މަޝްރޫޢުތައް ކުރިއަށް ގެންދިއުން
– ކުޅިވަރު ވަސީލަތްތައް ގާއިމް ކޮށް ދިނުން
– ސިއްޚީ ކަންކަން ރަނގަޅު ކުރުން
މުއިއްޒު ވިދާޅުވީ ކޮންމެ ރަށަކަށް ވަޑައިގެންނެވުމުންވެސް ރައްޔިތުން އުޅޭ ދަތިހާލު ސާފުވާކަަަމަށެވެ. ވެރިކަމަށް ވަޑައިގެން އެއްވެސް ރަށެއް ތަފާތު ކުރުމެއްނެތި ހުރިހާ ރަށަކަށްވެސް ތަރައްޤީ ޔަގީން ކޮށްދެއްވާނެކަމަށް މުއިއްޒު ވިދާޅުވިއެވެ.
