ރައްޔިތުންގެ މަޖިލީހުގެ މަޑުއްވަރީ ދާއިރާގެ ކުރީގެ މެމްބަރު މުހައްމަދު އަމީތު އަހުމަދު މަނިކު ވެރިކަން ކުރާ މައި ޕާޓީ އެމްޑީޕީއަށް ސޮއިކޮށްފިއެވެ.
އަމީތު އެމްޑީޕީއަށް ސޮއި ކުރުމަށްފަހު ފޯމު ހަވާލު ކުރީ އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ޞާލިހާއެވެ. އަމީތަކީ މިސަރުކާރު ގެނައުމަށްވެސް އެންމެ ބުރަ މަސައްކަތް ކުރި ބޭފުޅުންގެ ތެރޭގައި ހިމެނޭ ބޭފުޅެކެވެ. އެމްޑީޕީއާއި އަމީތު ގުޅުނުއިރު ހުންނެވީ ޖަޕާން ކަނޑައަޅާފައި ހުންނަވާ ދިވެހި ރާއްޖޭގެ ޑެޕިއުޓީ އެމްބަސަޑަރުގެ މަޤާމުގައެވެ.
އެމްޑީޕީއަށް ސޮއި ކުރުމަށްފަހު އަމީތު ވިދާޅުވީ ކުރީގެ ވެރިކަން ބަދަލުކޮށް މިސަރުކާރު ވެރިކަމަށް ގެނައުމަށް ކުރެވުނު ބުރަ މަސައްކަތާއިއެކު މިހާތަނަށްވެސް އެ ގޮތުގައި ދެމި ހުރުމަކީ ލިބޭ އުފަލެއް ކަމަށެވެ.
2018 ގައި ފެށި، އެމްޑީޕީގެ ފަރި ފަރި ނަޔާ ދަތުރުގެ ބައިވެރިއެއްގެ ގޮތުގައި އޭރުވެސް މިހާރުވެސް ދެމި ހުރެވުމަކީ ލިބޭ ވަރަށް ބޮޑު އުފަލެއް.
– އަމީތު ވިދާޅުވިއެވެ.
މަރުހަބާ އެކުވެރި އަމީތު،
ان شاء الله އެއްބުރުން ރައީސް @ibusolih އިންތިޚާބު ކާމިޔާބު ކުރާނެ. #އެއްބުރުން #އިބޫއަސްލަމް2023 https://t.co/3mf3uN5vyb— Ibrahim Ameer (@iameeru) September 4, 2023
އަމީތަކީ ރައީސް ޔާމީންގެ ވެރިކަމާއި ދެކޮޅަށް މަޖިލީހުގެ ތެރެއިން އެންމެ ފުރަތަމަ ނިކުންނެވި 12 މެމްބަރުންގެ ތެރޭގައި ހިމެނޭ މެމްބަރެކެވެ. އެއާއެކު އެ 12 މެމްބަރުންގެ ގޮނޑި ގެއްލުނު ކަމަށް އިލެކްޝަންސް ކޮމިޝަނުން ކަނޑައެޅިއެވެ. އަދި އޭގެ އަހަރެއް ފަހުން އެ 12 މެމްބަރުންގެ ގޮނޑި ނުގެއްލޭ ކަމަށް ސުޕްރީމް ކޯޓުން ނިންމިއެވެ.
ކޮމެންޓު ފޮނުވާ