ރ. ފައިނުގައި އެއާޕޯޓު އަޅައި ރ. އަތޮޅުގައި 10 ރިސޯޓު ހުޅުވައި ދެއްވައި ރ.އަތޮޅުގެ އިޤްތިޞާދާއި ކުރިއެރުން ދެގުނަ ކޮށްދެއްވާނެކަމަށް ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒު ވިދާޅުވެއްޖެއެވެ.
ރިޔާސީ ކެމްޕޭންގައި ރ.އަތޮޅުގެ ރަށްތަކަށް ކުރައްވާ ދަތުރުފުޅުގައި ރ. އިނގުރައިދޫއަށް މުއިއްޒު ވަޑައިގެންނެވުމުން އެރަށުންނ ވަނީ ވަރަށް ހޫނު މަރުހަބާއެއް ދަންނަވާފައެވެ. މޫސޫން ގޯސް ދުވަހަކަށް ވީނަމަވެސް އެރަށުގެ ގިނަ ބަޔަކު ވަނީ ބަނދަރަށް ނިކުމުގެ މުއިއްޒުއާއި މުއިއްޒުގެ ޓީމަށް މަރުހަބާ ދަންނަވާފައެވެ.
އިނގުރައިދޫ ރައްޔިތުންނާއި ވާހަކަ ދައްކަވަމުން މުއިއްޒު ވިދާޅުވީ ރ. އަތޮޅަކީ ފަތުރުވެރިކަމުގައި ވަރަށް ރަނގަޅު އަތޮޅެއް ކަމަށެވެ. ކުރީގެ ރައީސް ޔާމީންގެ ވެރިކަމުގައި ރ. އަތޮޅުގައި 17 ރިސޯޓެއް ތަރައްގީކޮށް ނިންމި ކަމަށް ވެސް މުއިއްޒު ވިދާޅުވިއެވެ. އަދި ކުރިއަށް އޮތް ފަސް އަހަރަށް 10 ވަރަކަށް ރިސޯޓަށް އަމާޒު ހިފާފައިވާ އިރު، ދެކުނުގައި އެންމެ އެއާޕޯޓަކުން ނުވާނެ ކަމަށް ވެސް މުއިއްޒު ވިދާޅުވިއެވެ. އެހެންވެ، މި ސަރަހައްދުގައި އެއާޕޯޓެއް އޮތުމަކީ މުހިންމު ކަމެއް ކަމަށް މުއިއްޒު ވިދާޅުވިއެވެ. އެހެންވެ، ރައީސް ޔާމީންގެ ވެރިކަމުގައި އެމަނިކުފާނުގެ ވިސްނުމާ އެއްގޮތަށް ފައިނުގައި އެއާޕޯޓެއް އަޅަން ނިންމެވި ކަން މުއިއްޒު ވަނީ މި ރަށުގައި އިއުލާން ކުރައްވައިފައެވެ.
ރ. އަތޮޅުގެ އުތުރުގައި އޮންނަނީ ރ. އިފުރު އެއާޕޯޓެވެ. ދެކުނުގައި ރ. އަލިފުށި އެއާޕޯޓު އެޅުމުގެ މަސައްކަތް ކުރާ އިރު، އެއީ އިނގުރައިދޫ ދާއިރާއާ ބަލާއިރު، ފުދޭ ވަރަކަށް ދުރު ސަރަހައްދެކެވެ.
PPM PNC ge Riyaasee Candidate Dr. Mohamed Muizzu R. Inguraidhoo rayyithunnaa badhdhalu kurevvun @MMuizzu#Vote4Muizzu#DrMuizzuSembe#DhiveheengeRaajje #FreePresidentYameen pic.twitter.com/rmrV2xYhOm
— Progressive Party of Maldives (@ProgressPartyMV) August 30, 2023
މުއިއްޒު ވިދާޅުވި ގޮތުގައި ފައިނުގައި އެއާޕޯޓެއް އަޅަނީ، ބިން ވަރަށް ކުޑަކޮށް ހިއްކައިގެން ކުރެވެން އޮތް ކަމަކަށްވާތީއެވެ. އަދި އެއީ ދެކޮޅު ޖެހޭނެ އިންވެސްޓަކަށް ވާނެ ކަމަށް ވެސް މުއިއްޒު ވިދާޅުވިއެވެ. އެއާޕޯޓު އެޅުމުން އެތައް ސަތޭކަ ވަޒީފާއެއް އުފެދި ޒުވާނުން ބާރު ކުރެވޭނެ ކަމަށް މުއިއްޒު ވިދާޅުވިއެވެ. އަދި އެކި ކަހަލަ ގޮތް ގޮތުން މި ރަށަށް ލިބެނީ ވަރަށް ބޮޑެތި ކުރިއެރުންތަކެއް ކަމަށް ވިދާޅުވިއެވެ.
މުއިއްޒު އިނގުރައިދު އަށް ވެވަޑައިގެންނެވި ވައުދުތައް:
1- ރަށުގެ ބޮޑެތި މަގުތައް ޒަމާނީ ފެންވަރަށް ހަދައި ނިންމުން.
2- ސިއްހީ މަރުކަޒުގެ ފެންވަރު ރަނގަޅު ކުރުން.
3- ބަނދަރު ބޮޑު ކުރުމުގެ މަސައްކަތް ކުރުން.
4- އިނގުރައިދޫގެ ބިން ހިއްކުމުގެ މަޝްރޫއު ނިންމުން.
މުއިއްޒު ވިދާޅުވީ މަގު ހެދުމާއި ސިއްހީ މަރުކަޒު ފެންވަރު ރަނގަޅު ކުރުމާއި ބަނދަރު ބޮޑު ކުރުން ފަދަ ކަންކަމަކީ ކުރަން ހުރި ވަރަށް ގިނަ މަސައްކަތް ކަމަށެވެ. އެހެންވެ، ވެރިކަމުގެ ކުރީކޮޅު އެންމެ އިސްކަމެއް ދީގެން އެކަންކަން ނިންމަވާލައްވާނެ ކަމަށް ވެސް މުއިއްޒު ވިދާޅުވިއެވެ.
ރ. އަތޮޅުގެ ރަށްތަކަށް މުއިއްޒު ފެއްޓެވި ދަތުރުގައި ވަގުތު ހުރި ގޮތުން ރ. ފައިނު، ރ. ކިނޮޅަސް، ރ. އިންނަމާދޫ ފަދަ ރަށްތަކަށް ވަޑައިނުގަންނަވައެވެ. މުއިއްޒު ވިދާޅުވީ އެ ހުރިހާ ރަށެއް ތަރައްގީ ކުރުމުގައި ތަފާތު ކުރުމެއް ނެތި އަދި އާބާދީއަށް ބެލުމެއް ނެތި އެއް ހަމައެއްގައި ސަމާލުކަން ދީގެން މަސައްކަތްކޮށްދެއްވާނެ ކަމަށެވެ.
