ރ. މީދޫ ރައްޔިތުން ތިބީ ކުރިއަށް އޮތް ރިޔާސީ އިންތިޚާބުގައި ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒު ހޮއްވެވުމަށް ކެތްމެދު ވެފައިކަން އެރަށުގެ ރައްޔިތުން ހާމަކޮށްދީފިއެވެ.
ރިޔާސީ ކެމްޕޭންގައި ރ. މީދޫއަށް މުއިއްޒު ވަޑައިގެންނެވުމުން އެރަށުގެ ކުދި ބޮޑު ރައްޔިތުން ވަނީ ނިކުމެ މުއިއްޒުއަށް ހޫނު މަރުހަބާއެއް ދަންނަވާފައެވެ. ޕީޕީއެމްއަށް ޒަމާނުއްސުރެ ބޮޑު ތާއީދެއް އޮންނަ މީދޫ ރައްޔިތުން މުއިއްޒު ބަނދަރުން ފެށިގެން ސަލާން ކުރަން އޮތް ސަފު ރަށުގެ ބޮޑު މަގުގެ އެއްކޮޅުން އަނެއް ކޮޅަށް އޮތްކަން ފާހަގަކޮށްލެވެއެވެ.
މުއިއްޒުއަށް މަރުހަބާ ދަންނަވަން ނިކުމް މީހުން ބުނެފައިވަނީ އެރަށަށް ރައީސް ޔާމީންގެ ވެރިކަމުގައި ގެނެސްދިން ތަރައްޤީ މިސަރުކާރުން އައި ގޮތަށް އައިސް އޮތީ މަޑު ޖައްސަލާފައިކަމަށެވެ. މުޅި ރަށުން ފެނިގެންދަނީ ރައީސް ޔަމީން ގެނެސްދިން ތަރައްޤީކަމަށް އެރަށު މީހުން ވަނީ ބުނެފައެވެ.
މުއިއްޒުއަށް މަރުހަބާ ދަންނަން ނިކުމް މީހުންގެ ފަރާތުން އާދަޔާއި ޚިލާފް ފޯރިއެއްގައި ތިބިއިރު އިންތިޚާބުން މުއިއްޒު އެއްބުރުން ހޮވުމަކީ މީދޫން ކުރާނެ ކަމެއްކަމަށް އެރަށު ރައްޔިތުން ވަނީ ބުނެފައެވެ. މީދޫ އަކީ އަބަދުވެސް ޕީޕީއެމްއަށް ބޮޑު އައުލަބިއްޔެއް ލިބޭ ރަށެކެވެ.
