ގއ.ގެމަނފުށީ ރައްޔިތުން އެދޭ ގޮތަށް އެރަށުގެ ތަރައްޤީގައި ހުރި މުހިންމު މަޝްރޫޢުތަކުގެ މަސައްކަތް ކޮށްދެއްވަނެ ކަމުގެ އުފާވެރި ޚަބަރު ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒު ދެއްވައިފިއެވެ.
ރިޔާސީ ކެމްޕޭންގައި ގއ.ގެމަނަފުއްޓަސް ޑރ.މުއިއްޒު ވަޑައިގެންނެވުމުން އެރަށުން ވަނީ މުއިއްޒުއަށް ހޫނު މަރުހަބާއެއް ދަންނަވާފައެވެ. ގެމަނަފުށީ ރައްޔިތުންނާއި ބައްދަލު ކުރައްވާ ވާހަކަ ދައްކަވަމުން މުއިއްޒު ވިދާޅުވީ މިިސަރުކާރުން ގެމެފުއްޓަށް ވަރަށް ބޮޑަށް އިހުމާލު ވެފައިވާކަމަށެވެ.
ގެމަނަފުށީގެ ރައްޔިތުންނަށް މި ސަރުކާރުންވެފައިވާ އިހުމާލު އެންމެ ރަނގަޅަށް ފެނިގެން ދިޔައީ މުއިއްޒު ވިދާޅުވި ގޮތުގައި ރައީސް ޔާމީން އަބްދުލްގައްޔޫމްގެ ވެރިކަމުގައި ގެނައި ތަރައްގީ ހަމަ އެގޮތުގައި އަދިވެސް ފެނަން އޮތުމުންނެވެ.
PPM PNC ge Riyaasy Candidate Dr. Mohamed Muizzu ah Ga. Gemanafushin hoonu maruhabaa eh dhannavaifi @MMuizzu#Vote4Muizzu#DrMuizzuSembe2023#DhiveheengeRaajje#FreePresidentYameen pic.twitter.com/jIyLSvhPhs
— Progressive Party of Maldives (@ProgressPartyMV) August 28, 2023
އެގޮތުގައި އިތުރު ބަދަލެއް ނައިސް ފެންނަން އޮތުމުންނެވެ. 2012 ގައި އެންމެ ފުރަތަމަ ހައުސިން މިނިސްޓަރުކަމާއި ހަވާލުވުމަށް ފަހު ރައްޔިތުންގެ ޝަކުވާތައް އައި އިރު އޭގެ ތެރޭގައި ބަނދަރު ހިމެނޭކަން ފާހަގަކޮށް މުއިއްޒު ވިދާޅުވި އޭރުގެ އެ ޒަމާނާއި އެއްގޮތަށް މަޝްރޫއު ކުރިޔަށް ގެެންދުވުނު ކަމަށެވެ.
ރައްޔިތުންނަށް ވައުދެއް ވާނަމަ، އެ ތަންފީޒު ކުރައްވާނަން ސިޔާސަތަކާއި ޕްލޭނެއް ނެތި ވައުދެއް ނުވާނަން. ރައްޔިތުން ފުރުސަތު ދެއްވައިފި ނަމަ ބޭނުންވާ ބަދަލާއި ކުރިއެރުން ގެނެސްދޭނަން. މުއިއްޒު ވިދާޅުވިއެވެ.
ގެމަފުއްޓަށް މުއިއްޒު ވެވަޑައިގެންނެވި ވައުދުތައް:
– ބަނދަރު އިތުރަށް ބޮޑުކޮށް ތަރައްޤީ ކޮށްދޭނަން
– މަގުތައް ޒަމާނީ ފެންވަރަށް ހަދާދޭނަން
– ގެމަނަފުށީ ފަޅުތެރެ ހިއްކައި ބިއްހިއްކައި ދޭނަން
– މަސްވެރިންގެ ހުރި ކަންބޮޑުވުންތައް ހަލު ކުރުން
– ޓުވަރިޒަމްގެ އިތުރު ފުރުސަތު ފަހި ކޮށް ދިނުް
ގެމަނަފުއްޓަކީ މަސްވެރިކަމުގެ ރަށެެއްކަން ފާހަގަކުރައްވައި މުއިއްޒު ވިދާޅުވީ މީގެ އެތައް އަހަރެއް ކުރިން ތަރައްގީ ކުރި ބަނދަރު އަދިވެސް އޮތީ ހަމައެގޮތުގައި އެއްވެސް ބަދަލެއް ނައިސް ކަމަށެވެ. އެކަން ހައްލުކޮށްދޭނެ ކަމުގެ ޔަގީންކަން މުއިއްޒު ދެއްވިއެވެ.
