ރިޔާސީ ކެމްޕޭނަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހާއި، އެމަނިކުފާނުގެ ކޯލިޝަން ޕާޓީތަކުގެ އިސްބޭފުޅުން މާދަމާ ބ އަދި ރ އަތޮޅަށް ވަޑައިގެންނެވުމަށް ހަމަޖެހިއްޖެއެވެ.
ރައީސްގެ ކެމްޕޭން ޓީމުން ބުނީ މިދަރުގައި ރައީސް ފުރަތަމަ ވަޑައިގަންނަވާނީ ބ.އަތޮޅުގެ ރަށްތަކަށް ކަމުގައެވެ. ބ.އަތޮޅުގެ ރަށްތަކަށް ވަޑައިގެންނެވުމަށްފަހު ރައީސް ޞާލިހު ރ.އަތޮޅުގެ ހުރިހާ ރަށަކަށްވެސް ވަޑައި ގަންނަވާނެއެވެ. މިދަތުރުފުޅުތަކުގައި ރައީސް ޞާލިހު ކުރިއަށް އޮތް ފަސް އަހަރަށް ވެވަޑައިގަންނަވާ ވައުދުތަކާއި މުހިންމު ކަންކަން ރައްޔިތުންނާއި ހިއްސާ ކުރައްވާނެއެވެ.
ރައީސް ޞާލިހުގެ އަމާޒަކީ ވޯޓުގެ ކުރިން ރާއްޖޭގެ މީހުން ދިރިއުޅޭ ހުރިހާ ރަށަކަށް ވަޑައިގެންނެވުމެވެ. މިހާތަނަށް ރައީސް ވަނީ އުތުރާއި ދެކުނާއި މެދު ރާއްޖެތެރެ ހިމެނޭހެން ގިނަ ރަށްތަކަކަށް ވަޑައިގެންފައެވެ.
ރައީސް އެންމެފަހުން ވަޑައިގެންނެވި އއ.އަށެވެ. އަތުގައި އުކުޅަހު ޖަލްސާއަށްފަހު އަރިދަފުސްރޯގާ ޖެހިގެން ރަށްތަކަށް ދަތުރުކުރައްވަން ޑޮކްޓަރުން ހުއްދަ ނުދިނުމުން ރައީސް ވަނީ މާލެ ވަޑައިގެންފައެވެ. އޭގެ ފަހުން މާލޭގައި ބޭއްވި އެމްޑީޕީ އަންހެނުންގެ ރޫހުގެ ސަޔެއްގައިވެސް ރައީސް ބައިވެރިވިއެވެ. އަދި މިއަދު އައިއޯއަޖީ އަށް ފުރާ ދިވެހި ކޮންޓިންޖެންޓާއިވެސް ރައީސް ވަނީ ބައްދަލު ކުރައްވާފައެވެ. ނަމަވެސް މިއިން އެއްވެސް އިވެންޓެއްގައި ރައީސް ވާހަކަ ދައްކަވާފައި ނުވެއެވެ.
ރިޔާސީ އިންތިޚާބަށް 19 ދުވަހަށް ވެފައިވާއިރު، ކެމްޕޭންގެ ފޯރިވަނީ ވަރަށް ގަދަވެފައެވެފައެވެ.
