ޖުމްހޫރީ ޕާޓީގެ ރިޔާސީ ކެންޑިޑޭޓު އަދި މާމިގިލީ ދާއިރާގެ މެމްބަރު ޤާސިމް އިބްރާހިމް ރިޔާސީ އިންތިޚާބުގެ ކެމްޕޭނަށް ބޮޑުތިލަދުން މައްޗަށް ވަޑައިގެންގެންފިއެވެ.
ޤާސިމްގެ ކެމްޕޭނު ދަތުރުފުޅުގައި އެންމެ ފުރަތަމަ ވަޑައިގެންފައިވަނީ ހދ. މަކުނުދޫއަށެވެ. އެރަށުން ޤާސިމާއި، ރަނިންމޭޓް އަމީން އިބްރާހިމް ވަޑައިގެންނެވުން ރައްޔިތުން ވަނީ ވަރަށް ހޫނު މަރުހަބާ އެއް ދަންނަވާފައެވެ. މިދަތުރުގައި ޤާސިމް ވަޑައިގަތުމަށް ހަމަޖެހިފައިވަނީ މަކުނުދޫ، ނޮޅިވަރަމް، ނޮޅިވަރަމްފަރު، ހަނިމާދޫ އަދި ކުޅުދުއްފުއްޓަށެވެ.
ހދ. އަށްފަހު ދެން ޤާސިމް ވަޑައިގަތުމަށް ހަމަޖެހިފައިވަނީ ށ. އަތޮޅަށެވެ. އެ އަތޮޅުގެ ކަނޑިތީމާއި ގޮއިދު އާއި ކޮމަންޑު އާއި ފުނަދު އާއި މިލަންދޫ އަދި ފޯކައިދުއަށް ވަޑައިގަތުމަށް ހަމަޖެހިފައިވާ ކަމަށް ޖޭޕީ އިން މަޢުލޫމާތުދީފައިވެއެވެ. ޖޭޕީއިން ހާމަކޮށްފައިވާ ގޮތުގައި ދުވަސް މަދުވެފައި ވީ ނަމަވެސް ޖޭޕީގެ ކެންޑިޑޭޓާއި ރަނިންގމޭޓު ރާއްޖޭގެ ހުރިހާ ރަށްތަކަކަށް ވަޑައިގަންނަވާނެއެވެ. ބައެއް ރަށްރަށަށް ދެބޭފުޅުން އެކުގައިވެސް ވަޑައިގަންނަވާނެ ޖޭޕީއިން ހާމަކޮށްފައިވެއެވެ.
ގައުމީ ކެންޑިޑޭޓް އޮނަރަބަލް ގާސިމް އިބްރާހިމް އަދި ރަނިންމޭޓް ޱރ. އަމީން އިބްރާހިމް ހދ. މަކުނުދޫއަށް ވަޑައިގަތުމުން ހޫނު މަރުހަބާއެއް!
#QaumeeCandidate5#QasimAmeen2023 #Haaskandaalaahamajeheyne
✅5️⃣🗳️ pic.twitter.com/IabG3kP5mN— Fah.Azhyma 🇲🇻 Qasim2023 🇵🇸 (@xouwahyd) August 18, 2023
މީގެއިތުރުން ޤާސިމް ބައެއް ރަށްރަށުގައި ރައްޔިތުންނާއި ބައްދަލު ކުރައްވާނީ ޖަލްސާ ތަކުން ކަމަށާއި އަދި ބައެއް ރަސް ރަށުގައި ޑޯޓުޑޯ ޖެއްސުމަށްވެސް ވަނީ ހަމަޖެހިފައެވެ.
ސެޕްޓެމްބަރު 9 ގައި ރިޔާސީ އިންތިޚާބު ބޭއްވުމަށް ހަމަޖެހިފައިވާއިރު ރިޔާސީ ކެންޑިޑޭޓުންނާއި ޕާޓީތަކުން ދަނީ ކެމްޕޭނުގެ ފޯރި ވަރަށް ބޮޑަށް އިތުރުކޮށްފައެވެ.
