ހުޅުމާލޭ ދެވަނަ ފިޔަވަހީގައި ރައީސް ސާލިހުގެ ކެމްޕޭން ޖަގަހައެއް ހުޅުވައިފިއެވެ. މިޖަގަހަ ހުޅުއްވައި ދެއްވީ "އިބޫ 2023″ ކެމްޕޭންގެ މޭލޭ ސަރަހައްދުގެ ކޯޑިނޭޓަރ، ޑިފެންސް މިނިސްޓަރ މާރިޔާ ދީދީ އެވެ. މި ޖަގަހަ ހުޅުވާފައިވަނީ ހުޅުމާލޭ ދެވަނަ ފިޔަވަހީގެ ރެހެންދި ބީޗް ލޮޓް ނަންބަރު 20042 ގައެވެ.
މި ޖަގަހަ ހުޅުވުމުގެ ރަސްމިއްޔާތުގައި ވާހަކަ ދައްކަވަމުން ރައްޔިތުންގެ މަޖިލިހުގެ ހުޅުމާލޭ ދާއިރާގެ މެމްބަރި އަލީ ނިޔާޒު ވިދާޅުވީ ހުޅުމާލޭ ދެވަނަ ފިޔަވަހީގައި ކެމްޕޭން ޖަގަހަ ހުޅުވުމުގެ ލިބުމަކީ ސަރުކާރުން ކުރި ބުރަ މަސައްކަތުގެ ނަތީޖާ ކަމުގައެވެ.
ބައެއް ބޭފުޅުންނަށް ހީވަނީ އަޅުގަނޑުމެން ހުޅުމާލޭގައި، ވަކިން ހާއްސަކޮށް ފޭސް ދޭއްގައި ކެމްޕެއިން ކުރުމަކީ ނުވާނެ ކަމެކޭ. މިހާތަނަށް ސިޔާސީ ގޮތުން އެމްޑީޕީއަށް ވެސް ސަރުކާރަށް ވެސް މި ސަރަހައްދާ ގުޅޭ ގޮތުން ދިމާވެފައި ހުރީކީ އެހާ ހިތްހަމަޖެހޭ ކަންތައްތަކެއް ނޫން.
ޖަގަހަ ހުޅުވުމުގެ ރަސްމިއްޔާތުގައި ވާހަކަ ދައްކަވަމުން އަލީ ނިޔާޒު ވިދާޅުވިއެވެ.
ކުރިޔަށް އޮތް ރިޔާސީ އިންތިޚާބު ކެމްޕޭންގައި ރައީސް ސާލިހުގެ ކެމްޕޭނުން ގެންދަނީ މާލެއާއި ހުޅުމާލޭގައިވެސް ކެމްޕޭން ޖަގަހަތައް ހުޅުވަމުންނެވެ. އަދި ޓީމުތަކުން ދަނީ އެކި އަތޮޅުތަކަށް ދަތުރުވެސް ކުރަމުންނެވެ.
އެހެންނަމަވެސް ރިޔާސީ އިންތިޚާބުގައި ވާދަކުރާނޭކަން އިއުލާން ކޮށްފައިވާ އެހެން އެއްވެސް ކެނޑިޑޭޓަކު އަދި މިހާތަނަށް މާބޮޑު މަސައްކަތެއް ކޮށްފައި ނުވާކަން ފާހަގަ ކޮށްލެވެއެވެ.
ކޮމެންޓު ފޮނުވާ