ރާއްޖޭގެ ފިލްމީ ދާއިރާގައި ގިނަ ޚިދުމަތްތަކެއް ކޮށްދެއްވާފައިވާ އަދި މިހާރުވެސް ޚިދުމަތް ކުރައްވަމުންދާ ޢަބްދުލް ފައްތާހު އިދިކޮޅު ޕްރޮގްރެސިވް ކޯލޮޝަން އޮފް ދަ މޯލްޑިވްސް (ޕީޕީއެމް)އާއި ގުޅިއްޖެއެވެ.
ފައްތާހު ޕީޕީއެމްއަށް ސޮއިކޮށް މެމްބާޝިޕްގެ ފޯމު ހަވާލު ކުރީ ރޭ އިދިކޮޅުން ކުރިއަށް ގެންދިޔަ ރެލީގެ ތެރެއިން އިދިކޮޅު ކޯލިޝަން ހިންގުމާއި ހަވާލުވެ ހުންނެވި ޕީއެންސީގެ ރައީސް އަބްދުއްރަހީމް (އަދުރޭ) އާއިއެވެ.
އެ ރެލީގައި ވާހަކަދައްކަމުން ފައްތާހު ބުނެފައިވަނީ އޭނާ ޕީޕީއެމްއާއި ގުޅުނީ ކުރީގެ ރައީސް އަދި ޕީޕީއެމް-ޕީއެންސީގެ ރިޔާސީ ކެނޑިޑޭޓް ޔާމީން އަބްދުލްގައްޔޫމައަށް އޭނާގެ ހިތުގައިވާ ލޯއްބާއި އިހުތިރާމްގެ ސަބަބުން ކަމަށެވެ. އޭނާ ބުނީ ބޭނުން ވަނީ ކުރިއަށް އޮތް ރިޔާސީ އިންތިހާބު ރައީސް ޔާމީން ކާމިޔާބުކޮށް، ދެން އޮތް ފަސް އަހަރުގެ ދައުރަށް ރައީސުލްޖުމްހޫރިއްޔާ ކަމުގެ ހުވާ އެމަނިކުފާނު ކުރާތަނަށް ދެކެން ކަމަށެވެ.
Rajjeyge filmy dhaairaa ah gina khidhmai thakeh koh dhevvaafaivaa mash’hooru Director, Producer Abdul Faththaah PPM aa gulhivadaigenfi. #MavesPPM pic.twitter.com/tT9xljWvuw
— Progressive Party of Maldives (@ProgressPartyMV) July 16, 2023
ފައްތާހު ޕީޕީއެމްއާއި ގުޅުމުން ޕީޕީއެމްއިން ވަނީ އޭނާއަށް ހޫނު މަރުހަބާ އެއް ކިޔާފައެވެ. ރައީސް ޔާމީނަށް ރިޔާސީ އިންތިޚާބުގައި ވާދަކުރުމާއި މެދު ގޮތްތަކެއް ސާފު ނުވާއިރު، އެމަނިކުފާނަށް އިއްވާފައިވާ 11 އަހަރުގެ ޖަލުހުކުމެ އިސްތިއުނާފްގެ އަޑު އެހުންތައް ކުރިއަށް ނުދާތީ އިދިކޮޅު ފަރާތްތަކުން ދަނީ ކަންބޮޑުވުން ފާޅު ކުރަމުންނެވެ.
ކޮމެންޓު ފޮނުވާ