ދެބައުޑުވެ ދޭތެރެ ޖަލްސާ މީހުންނަށް ގިޔާމަތް ދުވަހުން ގަދަފަދަ އަޒާބު ލިބޭނެ ކަމަށް މިއަދުގެ ހުކުރު ޚުތުބާގައި ބުނެފިއެވެ.

ދުލުގެ އާފާތްތައް މިމައުޟޫއަށް ރާއްޖޭގެ އެކިކަންކޮޅުތަކަށް އިއްވި ޚުތުބާގައި ބުނީ އީބަ ބުނުމަކީ ތިމާގެ އަޚާ ނުރުހޭ ސިފަޔަކާ ބެހޭ ގޮތުން ވާހަކަ ދެއްކުން ކަމަށާއި، ނުވަތަ މީސްތަކުންގެ ގާތުގައި ތިމާގެ އަޚާގެ ކިބައިގާ ހުރި ޢައިބެއްގެ ވާހަކަދެއްކުން ކަމަށެވެ. އަދި ދޭތެރެ ޖެއްސުމަކީ ނުބައިވެގެންވާ ކަމެއް ކަމަށެވެ.

މިފަދަ ވާހަކަތައް ފަތުރާ މީހުން އެމީހުންގެ ގުނަވަންތަކުން ކުރާ އަމަލުތަކަށް ގިޔާމަތް ދުވަހުން ޖަވާބުދާރީވާން ޖެހޭކަން ފާހަގަކޮށް ޚުތުބާގައި ބުނީ އީބަ ބުނުމަކީ ނުބައިކަން ބޮޑުވެގެންވާ ފާފައެއް ކަމަށާއި، އެއީ މަރުވެފައިވާ ތިމާގެ އަޚާގެ މުޅަމަސް ކެއުން ފަދަ ކަމެއް ކަމަށެވެ.

ޣީބަ ބުނުމާއި ނެތިމޮށުމަށް މެދުވެރިވާ ސަބަބުތަކުގެ ތެރޭގައި ތިމާގެ ނަފްސަށް ތާއިދު ހޯދުމާއި އަނެކާއާ މެދު ތިމާގެ ހިތުގައި އޮންނަ ހަސަދައާއި ނަފްރަތުގެ ސަބަބުން މީސްތަކުގެ ކުރިމަތީގައި ތިމާގެ އަގު ވައްޓާލުން ހިމެނޭ ކަމަށް ހުތުބާގައި ވިދާޅުވެފައި ވެއެވެ.

ތިޔަބައިމީހުންގެ ނެތިމޮށުމާއި ދޭތެރެ ޖެއްސުމާއި ފިތުނަ ފަސާދައާއި ދުރުހެލިވާށެވެ. ކަށްވަޅުގެ އަޒާބު ލިބޭ އަމަލުތަކުގެ ތެރޭގައި މިފަދަ ކަންކަން ހިމެނެ އެވެ. ދެބައޮޑުވުން، ދޭތެރެ ޖައްސަމުން ހިނގުމާއި، މީސްތަކުގެ އަބުރަށް އަރައިގަންނަ މީހުންނަށް ގިޔާމަތް ދުވަހުން ގަދަފަދަ އަޒާބު ލިބޭނެ އެވެ. މުސްލިމުން ޣީބަ ބުނެ ހުތުރު ބަސްތައް ރައްދުކޮށްގެން އުޅޭ މީހުންނަށް ގިޔާމަތް ދުވަހުން އެ މީހުން ކޮށް އުޅުނު ފާފަތަކާ އެއްފަދަ އަޒާބުތައް ދެއްވާނެ.

– ހުތުބާގައި ވިދާޅުވެފައި ވެއެވެ.

ޚުތުބާގައި ބުނީ ނެތިމޮށުމާއި ދޭތެރެ ޖެއްސުމާއި ފިތުނަފަސާދަ ފެތުރުމާއި ދުރުހެލިވާންޖެހޭ ކަމަށާއި، ކަށްވަޅުގައި އަޒާބު ލިބޭ އަމަލުތަކުގެ ތެރޭގައި މިފަދަ ކަންކަން ހިމެނޭ ކަމަށެވެ. އަދި ދެބައޮޑުވަމުން ދޭތެރެ ޖައްސަމުން ހިނގުމާއި މީސްތަކުންގެ އަބުރަށް އަރައިގަންނަ މީހުންނަށް ގިޔާމަތް ދުވަހުން ގަދަފަދަ އަޒާބު ދެއްވާނެކަން ޚުތުބާގައި ފާހަގަކޮށްފައިވެއެވެ. މީގެ އިތުރުން ޚުތުބާގައި ބުނީ ދުލުގެ އާފާތްތަކުގެ ތެރޭގައި ދޮގު ހެކި ދިނުމާއި ދޮގުހުވާ ކުރުން ހިމެނޭ ކަމަށެވެ.

ދޮގު ހެކި ދިނުމުގެ ސަބަބުން ފޫނުބެއްދޭ ފަދަ ބޮޑެތި ގެއްލުންތައް ލިބޭ ކަމަށާއި، އެކަންތައްތަކުގެ ތެރޭގައި ގާޟީއަށް ހައްގު އޮޅި، ބާތިލަކީ ހައްގު ކަމުގައި ހީވުމާއި އޭގެ ސަބަބުން އެހެން މީހުންގެ ހައްގުތައް ގެއްލިގެން ދިއުމާއި މުޖުރިމުން ކުށުން ބަރީއަވުމާއި ކުށެއް ނެތް މީހުންނަށް ހައްގަކާނުލައި އަނިޔާލިބުން ހިމެނޭ ކަމަށް ޚުތުބާގައި ބުނެފައިވެއެވެ.