މޯލްޑިވްސް އިސްލާމިކް ބޭންކު (އެމްއައިބީ)ގެ ބޭންކު އެކައުންޓުތައް އެ ބޭންކަށް ނުގޮސް އޮންލައިންކޮށް ހުޅުވޭ ޚިދުމަތް އެބޭންކުން މުޅިން އަލަށް ތައާރަފް ކޮށްފިއެވެ.

އެމްއައިބީން ބުނެފައިވާ ގޮތުގައި، ބޭންކުގެ ބްރާންޗަތައް ނުހުންނަ ރަށްތަކުގައި ދިރިއުޅޭ މީހުންނަށް ބޮޑު ލުޔެއްގެ ގޮތުގައި ފާހަގަވެގެންދާނެ މި ޚިދުމަތް ވެގެންދާނީ ރާއްޖޭގައި ބޭންކިން ޚިދުމަތް ބޭނުންކުރާ ފަރާތްތަކަށް އިންގިލާބީ ބަދަލަކަށް ކަމުގައެވެ.

ރޭ އަލަށް ފެށި މި ޚިދުމަތް ތައާރަފް ކުރުމަށްފަހު އެމްއައިބީން ބުނެފައިވަނީ، އެކައުންޓު ހުޅުވަން އެ ބޭންކުގެ ޕޯޓަލް މެދުވެރިކޮށް ހުށަހެޅޭނެ ކަމުގައެވެ، އަދި އޭގެ އިތުރުން ޚިދުމަތް ހޯދުމަށް ބޭނުންކުރާ އީފާސް މެދިވެރިކޮށް، ބޭންކަށް އެޕްލައިނުކޮށް، ޕޯޓަލްއިން މިހާރު އެކައުންޓު ހުޅުވުމަށް އެދެވޭނެ ކަމަށްވެސް ބޭންކުން ބުނެފައިވެއެވެ.

އަދި އެއް ފޯމެއް މެދެވެރިކޮށް ބޭންުކުގެ އެވެރީޑޭ ކާޑުގެ އިތުރުން ވިސާ ޕްލެޓިނަމް ކާޑަށްވެސް އެެވޭނެކަމުގައިވެސް އެމްއައިބީން ބުނެއެވެ.

އެމްއައިބީން ބުނެފައިވަނީ، އެ ބޭންކުގެ ފައިސާނެޓް ނުވަތަ މޮބައިލް އެޕް- ފައިސާ މޮބައިލް އިންޓަރނެޓްއިން ބޭންކިންއަށް އަމިއްލައަށް ރަޖިސްޓްރީ ކުރެވޭނެ ކަމުގައެވެ. އަދި މުޅިން އަލަށް ގާއިމް ކުރެވިގެންދާ މި ލުއި ފަސޭހަތަކާއެކު، އެންމެ ފަސޭހައިން ބޭންކިންގެ ޚިދުމަތް ރާއްޖޭގައި ފޯރުކޮށްދޭ ބޭންކުކަމުގައި އެބޭންކު ވެގެންދާނެ ކަމުގައިވެސް އެމްއައިބީން ބުނެފައި ވެއެވެ.

އެމްއައިބީގެ ބްރާންޗްތައް ރާއްޖޭގެ ބައެއް ރަށްތަކުގައި ގާއިމް ކުރެވިފައި ނުހުންނާތީ ބޭންކުގައި އެކައުންޓު ހުޅުވުމަށް އާންމުންނަަށް ބޮޑެތި ތަކާއި ފާއިތުވެދިޔަ ތަނުގައި ކުރިމަތިލާން ޖެހިފައި ވެއެވެ.