މި ހުރިހާ ކަމެއް ފެށުނީ ޕަރިނީތީ ޗޯޕްޅާ އާއި އިންޑިއާގެ ޕޮލިޓީޝަނެއް ކަމުގައިވާ ރާގަވް ޗައްޑާގެ ލޯބީގެ ވާހަކަ ތަކާއި ހިސާބުންނެވެ. މި ދެމީހުން އެކުގައި އެކި ފަހަރު މަތިން ފެނުމާ އެކު މީޑިއާއިން ވަނީ އެމީހުން ލޯބީގެ ގޮތުން ގުޅިގެން އުޅޭ ކަމަށް ބުނެފައިއެވެ.
ނަމަވެސް މި ވާހަކަ ތަކަށް އެރު އެދެމީހުން ކުރެ އެކަކުވެސް އިޖާބަ ދީފައިއެއް ނުވެއެވެ. ނަމަވެސް ހުރިހާ ސުވާލެއްގެ ޖަވާބު ލިބުނީ މިދިއަ މޭ މަހުގެ 13 ވަނަ ދުވަހުގައިއެވެ.
މީޑިއާގައި ދައްކަނީ ތެދުކަން ހާމަވެގެން ގޮސްފައި ވަނީ ދެމީހުން އެންގޭޖް ކުރުމުންނެވެ. އާއިލާ އާއ ރަހުމަތެރިންގެ މެދުގައި ބޭއްވި ހަފްލާއެއްގެ އެންގޭޖް ވުމަށްފަހު ދެމީހުން ނުކުމެ މީޑިއާއަށް ފޮޓޯ ނެގުމުގެ ފުރުސަތުވެސް ދިނެވެ.
މިހުރިހާ ކަމަކާއި އެކުގައި މިހާރު ޕަރިނީތީގެ ތަފާތު ވީޑިއޯ އެއް ވަނީ ވައިރަލް ވެގެން ގޮސްފައިއެވެ. ބައެއް މީހުން ބުނާ ގޮތުގައި ޕަރިނީތީ މިހާރު ވަނީ އުނބަށް ޖަހައިފައިއެވެ.
ޕަރިނީތީ ފެނިގެންދާ ތްރޯބެކް އިންޓަވިއުއެއް މިހާރު ދަނީ ވައިރަލްވަމުންނެވެ. އަދި ސިޔާސީ މީހަކާ ދުވަހަކު ވެސް ކައިވެނި ނުކުރާނެ ގޮތުގެ ވާހަކަ ވެސް ބަތަލާ ކިޔައިދޭ ތަން މި ވީޑިއޯ އިން ވަނީ ފެނިގެން ގޮސްފައިއެވެ.
View this post on Instagram
ޕަރިނީތީ، 34، އާ އެކީ ލަންޑަނުގައި ކިޔެވި ރާގަވް، 34، އަކީ އިންޑިއާގެ އިދިކޮޅު ޕާޓީއެއް ކަމަށްވާ އާމް އާދުމީ ޕާޓީ (އާޕް) ގެ މެމްބަރެކެވެ. މީގެ އިތުރުން ރާގަވް އަކީ އިންޑިއާގެ ގާނޫނު ހަދާ މަޖިލީހުގެ މަތިގެ، ރާޖިއާ ސަބާގެ މެމްބަރެއް ވެސް މެއެވެ.
ދެމީހުން އެކަކު އަނެއްކަކު ދެކެ އިންތިހާ އަށް ލޯބިވެވަފައި ވާއިރުގައި މި ކައިވެނި މިއަހަރުގެ އޮކްޓޯބަރު ގައި ބޭއްވުމަށް އެމީހުން އަންނަނީ ވަރަށް ބާރު ސްޕީޑުގައި ތައްޔާރީ ތަށް ވަމުންނެވެ.
