ފުރަތަމަ ފަހަރަށް އެކްޝަން ފިލްމް އެއް ހަދަން އުޅޭކަން އިއުލާން ކުރި ބޮލީވުޑްގެ ނުފޫޒު ގަދަ ފިލްމް މޭކާ އަދި ޑައިރެކްޓަރު ކަރަން ޖޯހަރު ފިލްމީ ދާއިރާގައި މަަސައްކަތް ކުރާތާ 25 އަހަރު ފުރުން ފާހަގަ ކޮށްފިއެވެ.
ކަރަން ވަނީ ސޯޝަލް މީޑިއާއަށް ވަރުގަދަ ޕޯސްޓެއް ދޫކޮށްލައިފައިއެވެ. ކަރަންގެ އާއިލީ ފިލްމް ކުންފުނި ދަރަމާ ގެ އޮފިޝިއަލް ސޯޝަލް މީޑިއާ ގައި ވަނީ ޑައިރެކްޓަރު ގެ ގޮޑި އެއް "ދެން އޮތީ އާ ދައުރެއްގެ ފެށުން" ކަމަށް ބުނެ ޕޯސްޓް ކުރުމާއި ގުޅިގެންނެވެ.
View this post on Instagram
އެއާއި އެކު އިއްޔެ އަނެއްކައިވެސް މިވަނީ އާ ޕޯސްޓެއް ދޫކޮށްލައިފައިއެވެ. މިފަހަރު އޭނާ މިހާތަނަށް ޑައިރެކްޓް ކޯށްފައިވާ ފިލްމް ތަކުގެ ވީޑިއޯކޮޅު ތަކެއް ލައިގެން ހަދައިފައިވާ ވީޑިއޯ އެއް ދޫކޮށްލަމުން ބުނެފައިވަނީ ފެށުމެއްގެ ވާހަކައެވެ. މި ވީޑިއޯވެސް ހިއްސާ ކޯށްފައިވަނީ ދަރްމާ ގެ އޮފިޝަލް އިންސްޓަގްރާމް އެކައުންޓުންނެވެ.
މި ވީޑިއޯގައި ކަރަންގެ އެންމެ ކާމިޔާބު ފިލްމް ތަށް ކަމުގައިވާ "ކަބި ހުޝީ ކަބި ގަމް" ކުޗްކުޗް ހޯތާހޭ" އަދި "އޭ ދިލް ހެ މުޝްގިލް" ފަދަ ކާމިޔާބު ފިލްމް ތަކުގެ ވީޑީއޯ ކޮޅުތަށް ވަނީ ހިމަނާފައިއެވެ.
View this post on Instagram
އޭނާގެ ޕޯސްޓްއާއި ގުޅިގެން މީޑިއާއިން ބުނީ ކަރަން އެކްޝަން ފިލްމް އެއްގެ މަސައްކަތް ކުރަމުން އަންނަ ކަމަށެވެ. އެހެން ވެއްޖެ ނަމަ އެފިލްމް ވެގެން ދާނީ އޭނާގެ ފުރަތަމަ އެކްޝަން ފިލްމްއަށެވެ.
މީގެ އިތުރުން މި ފިލްމް އިން ޒުވާން ދެ އެކްޓަރުން ކަމުގައިވާ ވަރުން ދަވަން އާއި ޓައިގާ ޝްރޮފް ފެނިގެން ދާނެ ކަމަށްވެސް މީޑިއާއިން ވަނީ ބުނެފައިއެވެ. ނަމަވެސް މި ކަމާއި ގުޅޭ ގޮތުން މިހާތަނަށް ރަސްމީކޮން އެއްވެސް މައުލޫމާތެއް ހިއްސާ ކޮށްފައިއެއް ނުވެއެވެ.
