ސަރުކާރުން ކުރިއެރުން ގެނެސްފައިވާ ސިއްޙީ ދައިރާގެ މުސާރައިގެ އޮނިގަޑު އިތުރަށް ފުރިހަމަ ކުރުމަށްޓަކާ މުތާލިއާކުރަމުންދާ ކަމުގައި ރައީސުލްޖުމުހުރިއްޔާ އިބުރާހިމް މުހައްމަދު ސާލިހު ވިދާޅުވެއްޖެއެވެ.
ރައީސް ސާލިހު މިހެން ވިދާޅުވީ ދުނިޔޭގެ ސިއްހަތު ދުވަހުގެ މުނާސަބަތުގައި ރޭ ބޭއްވި ޖަލްސާގައި ވާހަކަފުޅު ދައްކަވަމުންނެވެ.
މި ޖަލްސާގައި ވާހަކަ ދައްކަވަމުން ރައީސް ސާލިހު ވިދާޅުވީ ސަރުކާރުގެ އަމާޒަކީ ސިއްޙީ ދާއިރާގެ މުވައްޒަފުންގެ މުސާރައިގެ އޮނޮގަޑަށް ގެނައި ބަދަލުގެ މަންފާ ދާއިރާގެ ހުރިހާ މުވައްޒަފުންނަށް ހޯދައި ދިނުން ކަމުގައެވެ.
ރައީސް ސާލިހު އިތުރަށް ވިދާޅުވީ ސިއްހީ ދައިރާގެ މުވައްޒަފުންގެ މުސާރައަށް ސަރުކާރުން ދާދިފަހުން ބަދަލު ގެނެސްފައިވި ނަމަވެސް، އިތުރަށް ގެންނާންޖެހޭ ބަދަލުތައް ފާހަގަ ކުރެވިފައިވާ ކަމަށާއި އެބަދަލުތައް ގެނައުމަށް ސަރުކާރުން މިހާރު މަސައްކަތް ކުރަމުން ދާކަމުގައެވެ.
އަދިވެސް ފުރިހަމަ ކުރަންޖެހޭ ބައެއް ކަންތައްތައް ހުރިކަން އަޅުގަނޑަށް ފާހަގަ ކުރެވޭ. އެހެންކަމުން އަޅުގަނޑުމެން މިދަނީ އެކަންކަމާ މަޝްވަރާކޮށް، އެއަށް ރަނގަޅު ހައްލެއް ހޯދަން މަސައްކަތް ކުރަމުން. އިރާދަކުރެއްވިއްޔާ ލަސްތަކެއް ނުވެ އެކަން ވެސް ތި ބޭފުޅުންނަށް ފެނިގެންދާނެ.
ރޭގެ ޖަލްސާގައި ވާހަކަ ދައްކަވަމުން ރައީސް ސާލިހު ވިދާޅުވިއެވެ.
ރޭގެ ޖަލްސާގައި ވާހަކަދައްކަވަމުން ރައީސް ސާލިހު ވިދާޅުވީ ރާއްޖޭގެ ޞިއްޙީ ޚިދުމަތުގެ ނިޒާމަށް އަދިވެސް ވަރަށް ގިނަ ހެޔޮ ބަދަލުތަކެއް ގެންނަންޖެހޭ ކަމުގައެވެ. އޭގެ ތެރެއިން އެއް ކަމަކީ ޞިއްޙީ ދާއިރާއަށް ބޭނުންވާ މީހުން ބިނާކުރުމުގެ މަސައްކަތް މިހާރަށް ވުރެ އިތުރުކުރުމާއި ފުޅާކުރުން ކަމަށް ފާހަގަ ކުރައްވަމުން ރައީސް ވިދާޅުވީ ޞިއްޙީ ދާއިރާއަށް ވަންނަ މީހުން އެ ވަޒީފާތަކުގައި ދެމެހެއްޓުމަށްޓަކައި ކުރަންޖެހޭ އިތުރު ކަންކަން ދެނެގަނެ، އެކަންކަމަށް މަސައްކަތް ކުރަން ޖެހޭ ކަމުގައެވެ.
އެމަގުން ދާދިފަހުން އަޅުގަނޑުމެން ވާނީ ހެލްތު ދާއިރާގެ މުވައްޒަފުންގެ މުސާރައަށް ހެޔޮ ބަދަލެއް ގެނެސްފައި. އެ ބަދަލުގެ ސަބަބުން، ޞިއްޙީ ޚިދުމަތުގެ ދާއިރާތަކުން ތަޢުލީމު ޙާޞިލުކޮށްގެން ތިބި މަސައްކަތްތެރިންނަށް ވަޒީފާގެ ކުރިއެރުން ހޯދުމަށް މަގު ފަހިވެގެންދާނެ. އަދި ޞިއްޙީ ދާއިރާއަކީ ކުރިއަށް ދިއުމަށް އެކަށީގެންވާ ފަންނެއްކަމުގެ ޔަޤީންކަން ލިބި، ޞިއްޙީ ޚިދުމަތްތެރިން އެ ވަޒީފާތަކުގައި ތިބުމަށް މަގުފަހިވެގެންދާނެ ކަމަށް އަޅުގަނޑު އުންމީދު ކުރަން.
ސިއްޙީ ދާއިރާގެ މުވައްޒަފުންގެ މުސާރައަށް ގެނައި ބަދަލުތަކާއެކު ތައުމީ ގާބިލް ފަރާތްތަކަށް ސިއްޙީ ދާއިރާއިން ކުރިއެރުން ހޯދުމަށް އިތުރަށް މަގުފަހިވެގެން ދާނެކަން ފާހަގަ ކުރައްވަމުން ރައީސް ސާލިހު ވިދާޅުވިއެވެ.
ރޭގެ ޖަލްސާގައި ހެލްތް ޕްރޮޓެކްޝަން އޭޖެންސީގެ ޑިރެކްޓަރ ޖެނެރަލް މައިމޫނާ އަބޫބަކުރު ވަނީ، ސަރުކާރުގެ ކޯވިޑް-19 އިޖާބައިގެ ޚުލާސާ ރިޕޯޓް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ އަތްޕުޅަށް އަރުވާފައެވެ.
ކޮމެންޓު ފޮނުވާ