ކުރިއަށް އޮތް ޖޫން މަހުގެ 29 ވަނަ ދުވަހަށް ރިލީޒް ކުރުމަށް ތާވަލް ކޮށްފައިވާ ފިލްމް "ޖަވާން" އެޅުވުން ފަސްކޮށްފިއެވެ.
މި ފިލްމް އަކީ ޝާހުރުކް ހާން ލީޑުން ފެނިގެންދާ ފިލްމްއެކެވެ. އަދި މިއަހަރުގެ އެންމެ އުންމީދީ އެއް ފިލްމް ވެސް މެއެވެ. ޝާހު ވަނީ އޭނާ ދުވަސްގަނޑަކަށް ފަހު އެނބުރި އައުން ފާހަގަ ކުރި ފިލްމް "ޕަޓާން" ބެލުންތެރިން ހެއްވައިލައިއެވެ.
ގިން ރެކޯޑް ތަކެއް މުގުރާލި އެ ފިލްމް އަކީ މިއަހަރުގެ އެންމެ ކާމިޔާބު އެއް ފިލްމްވެސް މެއެވެ. އަނެއްކޮޅުން އެޓްލީ އަކީ ވަރަށް ކާމިޔާބު ފިލްމް ތަކެއް ގެނެސްދޭ ޑައިރެކްޓަރެކެވެ.
އެގޮތުން އެއްވަރުގެ މޮޅު އަދި ތަޖުރިބާކާރު ދެމީހުންގެ މަސައްކަތް ބަލާލުމަން ފޭނުން ތިބީ ކެއްމަދުވެފައިއެވެ. ނަމަވެސް އަނެއްކައިވެސް މިވަނީ އިންތިޒާރު ކުރަން ޖެހިފައިއެވެ. އެފިލްމް މިހާރު ވަނީ މިއަހަރުގެ ސެޕްޓެމްބަރު 7 އަށް ފަސްކުރިކަން އިއުލާންކޮށްފި އެވެ.
View this post on Instagram
ރަސްމީކޮށް އެކަން އިއުލާންކުރީ މީގެ ވީއެފްއެކްސް އަށް އިތުރު ވަގުތު ނަގާތީ ރިލީޒްކުރާނެކަން ފަސްކުރާނެކަމުގެ ވާހަކަތަކެއް މީޑިއާގައި ދެކެވެމުންދާތާ ދެ މަހެއްހާ ދުވަސް ފަހުންނެވެ.
މި ފިލްމްގެ ލީޑުން ޝާހު ފެނިގެން ދާއިރުގައި މީ ސައުތުގެ މަޝްހޫރު ބަތަލާ ނަޔަންތަރާ ބޮލިވުޑް އަށް ތއާރަފްވާ ފިލްމް ވެސް މެއެވެ. މި ފިލްމް އިން ސައުތުގެ ގިނަ ތަރިންތަކެއް ފެނިގެން ދާނެއެވެ.
