ދިވެހިރާއްޖޭއާއި ބުރުންޑީއާ ދެމެދު ވިސާއާ ގުޅޭ މުހިންމު އެއްބަސްވުމުގައި ސޮއިކުރައްވައިފިއެވެ.
މިއެއްބަސްވުމާއެކު ދިވެހިންނަށް 30 ދުވަހުގެ މުއްދަތަކަށް ވިސާއާ ނުލައި ބުރުންޑީއަށް ދަތުރުކުރެވޭނެއެވެ. އަދި ބުރުންޑީގެ ރައްޔިތުންނަށްންވެސް ހަމަ އެގޮތަށް ވިސާނެގުމެއްނެތި 30 ދުވަހުގެ މުއްދަތަކަށް ދިވެހިރާއްޖެއަށް ދަތުރުކުރެވޭނެއެވެ.
މި އެއްބަސްވުމުގައި ސޮއިކުރީ ނިއުޔޯކުގައި ހުންނަ ދިވެހިރާއްޖޭގެ ދާއިމީ މިޝަނުގައި ބޭއްވި ރަސްމިއްޔާތެއްގައެވެ. މި އެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ، އ.ދއަށް ކަނޑައަޅުއްވާފައި ހުންނަވާ ދާއިމީ މަންދޫބު ތިލްމީޒާ ހުސައިނެވެ. ބުރުންޑީ ސަރުކާރުގެ ފަރާތުން ސޮއިކުރެއްވީ އދ.އަށް އެޤައުމުން ކަނޑައަޅުއްވާފައި ހުންނަވާ ދާއިމީ މަންދޫބު ޒެފްރިން މަނިރަތަންގައެވެ.
މި އެއްބަސްވުމާ ގުޅިގެން ރާއްޖޭގެ ފޮރިން މިނިސްޓަރު އަދި އދ.ގެ ޢާންމު މަޖިލީހުގެ ކުރީގެ ރައީސް ޢަބްދުﷲ ޝާހިދު ވިދާޅުވީ، ދިވެހިރާއްޖެއާއި ބުރުންޑީއާ ދެމެދު ނިއުޔޯކްގައި ސޮއިކުރެވުނު މިއުޗުއަލް ވިސާ އެގްޒެމްޝަން އެގްރީމަންޓު އުފަލާއެކު ބަލައިގަންނަކަމަށެވެ. އަދި މި އެއްބަސްވުމުގެ ސަބަބުުން ދެ ޤައުމުގެ ރައްޔިތުންގެ މެދުގައި ހިނގާ މުޢާމަލާތުތައް އިތުރުވެ، ދެ ޤައުމުގެ ދެމެދުގައި އޮތް ގުޅުން އިތުރަށް ވަރުގަދަ ވެގެންދާނެކަން ޔަގީންކަމަށްވެސް މިނިސްޓަރ ޝާހިދު ވިދާޅުވެފައިވެއެވެ. ކުރިން ވިސާ ނެގުމަކާ ނުލައި، 93 ޤައުމަށް މިހާރު ދިވެހިންނަށް ދަތުރުކުރެވޭނެކަން ޝާހިދު ފާހަގަކުރެއްވިއެވެ.
ދިވެހިރާއްޖެއާއި ބުރުންޑީއާ ދެމެދު ނިއުޔޯކްގައި ސޮއިކުރެވުނު މިއުޗުއަލް ވިސާ އެގްޒެމްޝަން އެގްރީމަންޓު އުފަލާއެކު ބަލައިގަންނަން.
މި އެއްބަސްވުމުގެ ސަބަބުުން ދެ ޤައުމުގެ ރައްޔިތުންގެ މެދުގައި ހިނގާ މުޢާމަލާތުތައް އިތުރުވެ، ދެ ޤައުމުގެ ދެމެދުގައި އޮތް ގުޅުން އިތުރަށް ވަރުގަދަ…
— Abdulla Shahid (@abdulla_shahid) April 27, 2023
ބުރުންޑީއަކީ ދިވެހިން ޢާންމުކޮށް ދަތުރުކުރާ ޤައުމެއް ނޫނެނެވެ. އަބްދުﷲ ޝާހިދު ވަޒީރުކަމާ ޙަވާލުވީފަހުން މިފަދަ އެތައް ޤައުމަކާއެކުވަނީ ފިސާ ފްރީ އެއްބަސްވުންތަކުގައި ސޮއިކުރައްވާފައެވެ.
