އުމްރާއަށް ދިޔަ ދިވެއްސަކު މައްކާގައި ނިވާވެއްޖެއެވެ.
ނިޔާވެފައިވަނީ އާއިލާއާއިއެކު އުމުރާގެ އަޅުކަން އަދާކުރަން ދިޔަ ގއ. ކޮލަމާފުށި ގަސްދޮށުގެ މުހައްމަދު ޒަކީއެވެ. އުމުރުން 83 އަހަރުގައި އޭނާ ނިޔާވީ ރޭ މައްކާ ގަޑިން 12 ޖަހާކަން ހާއިރު ކަމަށް އަލް ބްރޫޖް ގްރޫޕުން ބުނެއެވެ.
އުުމުރާގެ އަޅުކަން އަދާކުރުމަށް ޒަކީ ދިޔައީ އަލް ބްރޫޖް ހައްޖު އެންޑް އުމްރާ ގްރޫޕުގެ ހަވާލުގައެވެ. ޒަކީއާއެކު އޭނާގެ އަންހެނުންނާއި، ދެ ފިރިހެން ދަރިންނާއި ދެ ދަނބިދަރިން އަދި އޭނާގެ އަންހެން ދަރިފުޅު ވެސް ދިޔައެވެ.
އަލް ބްރޫޖް ގްރޫޕުން ބުނީ ޒަކީ ނިޔާވީ މަދީނާ ޒިޔާރަތުގައި ދެ ދުވަސް ހޭދަކުރުމަށްފަހު މި ދަތުރުގައި އިތުރު އުމްރާއެއް ކުރުމަށް މަދީނާގެ މީގާތު ދުލް ހުލައިފާއިން އިހްރާމް ބަނދެގެން ގޮސް މައްކާގެ ހޮޓަލަށް ދެވުނުތާ ކުޑަ އިރުކޮޅެއް ތެރޭގައި ކަމަށެވެ.
އޭނާގެ ޖަނާޒާގެ ކަންކަތައް ގެންދިއުމަށް ޖިއްދާގައި ހުންނަ ދިވެހި ކޮންސިއުލޭޓާއި މައްކާގައި ކިޔަވަން ތިބި ދިވެހި ދަރިވަރުންގެ އެހީތެރިކަމާއެކު ސައުދީ އަރަބިއްޔާގެ އުމްރާ އެޖެންޓާއެކު މަސައްކަތް ދަނީ ކުރަމުންނެވެ.
