މާތް ﷲގެ އިނާމު ދެއްވުން އޮންނާނީ ޢީދުނަމާދަށް ފަހުގައިކަމަށް ވާތީ، ފިޠުރު ޒަކާތް ޢީދު ނަމާދުގެ ކުރިން އަދާކޮށްގެން މެނުވީ ރޯދައިގެ ދަރުމަ ފުރިހަމަ ނުވާނެކަމުގައި މިއަދު ހުކުރު ޚުޡުބާގައި ވިދާޅުވެއްޖެއެވެ.
"ރަމަޟާންމަހުގެ ފަހު ދިޔަ" މިމައުޟޫއަށް ޚާއްސަ ކުރެވުނު މިއަދުގެ ހުކުރު ޚުޡުބާގައި ވިދާޅުވި ގޮތުގައި މާﷲ ފަރުޟުކުރެއްވި އަޅުކަންތައް އަދާކުރާއިރު ވަރަށް ގިނަފަހަރަށް އުނިކޮށް އެކަންކަން ކުރެވޭ ކަމުގައެވެ. މިފަދަ އަޅުކަންތަކުގައި ހެދޭ ކުށްތަކާއި، ޖެހޭ ކުނި މިލަތަށް ފިލުވުމަށްޓަކާ ކައްފާރާތައް ލައްވާފައި ވާކަމުގައެވެ.
މިގޮތުން ކުށުސަޖިދައަކީ ނަމާދު ކުރާއިރު ކުރެވޭ ކުށްތަކުން އެ ނަމާދު ސާފުކޮށް ޡާހިރުކޮށް ދެއްވުމަށްޓަކާ ލައްވާފައިވާ ކަމެއްކަން ފާހަގަ ކުރަމުން ޚުޡުބާގައި ވިދާޅުވި ގޮތުގައި ރޯދައަށް ބަލާއިރު އޮތީ ފިޡުރު ޒަކާތް ކަމުގައެވެ.
ފިޡުރު ޒަކާތް ނެރުން ވާޖިބުވަނީ ޝައްވާލްމަހަށް ހަނދު ބެލުމުން ކަމުގައިވިޔަސް، ރަމަޟާންމަހުގެ ތެރޭގައި އެ ފަރުޟު އަދާކުރެވިދާނެއެވެ. ޝާފިއީ މަޒުހަބުގައި ރަމަޟާންމަހަށް ހަނދުބެލުމުން ފިތުރު ޒަކާތް ނެރެވިދާނެއެވެ. ޙަނަފީ މަޒުހަބުގައި ރަމަޟާންމަހަށް ހަނދު ބެލުމުގެ ކުރިންވެސް އެކަންތައް ކުރެވިދާނެއެވެ. ޢީދު ދުވަހު ޢީދު ނަމާދު ކުރުމުގެ ކުރިން ނުނެރެވިއްޖެނަމަ އެއީ ޒަކާތެއް ނޫނެނެވެ. އެހެންކަމުން ރައްކާތެރި ވުމުގެ ގޮތުން ރަގަނޅު ގޮތަކީ ޒަކާތް ނެރުން އަވަސް ކުރުމެވެ.
މިއަދުގެ ހުކުރު ޚުޡުބާގައި ވިދާޅުވެފައި ވެއެވެ.
މިއަދުގެ ޚުޡުބާގައި ވިދާޅެވެފައިވާ ގޮތުގައި މާތް ﷲ ފިތުރު ޒަކާތް ފަރުޟު ކުރައްވާފައިވަނީ ޢީދު ދުވަހުގެ އުފަލުގައި ފަގީރުންނާއި މިސްކީނުންނާއި ނިކަމެތީން ބައިވެރި ކުރުމަށްޓަކައެވެ. އަދި މިއީ ކޮންމެ ފިރިހެނަކާއި އަންހެނެއްގެ މައްޗަށް ވާޖިބުވެގެންވާ ކަމެއްކަމަށާއި އެއީ ކުޑަކުދީންނާއި މުސްކުޅީންވެސް ޝާމިލްވާ ގޮތުގައި ކަމަށްވެސް ޚުޡުބާގައި ބަޔާން ކުރައްވާފައި ވެއެވެ.
ފިޠުރު ޒަކާތް ވާޖިބުވަނީ ރަމަޟާންމަސް ނިމި ފިޠުރު ޢީދު އައުމުންނެވެ. ކީރިތި ރަސޫލާ (ޞ.ޢ.ވ) ބަޔާން ކުރައްވާފައިވާ ގޮތުގައި އެއީ ޢިދު ދުވަހު ފަގީރުންނާއި މިސްކީނުނަށް ކެއުމަށް ދެވޭ އެއްޗެކެވެ. ފަގީރުން ތަނަވަސް ކޮށްދިނުމާއި، އެމީހުންގެ ބޭނުންތައް ފުއްދައި ދިނުމަށްޓަކާ ދިއްކޮށްލެވޭ އެހީގެ އަތެކެވެ.
މިއަދު ޚުޡުބާގައި ބަޔާން ކުރައްވާފައި ވެއެވެ.
