މިއަދު ފެނިގެން މިދަނީ މިންތީގެ ހަމަހަމަކަމަށް ޖުމުހޫރީ ޕާޓީން އިސްކަންދޭ މިންވަރު ކަމުގައި، ޖުމުހޫރީ ޕާޓީގެ ޑެޕިއުޓީ ލީޑަރުކަމުގެ މަގާމަށް އިންތިޚާބު ކުރެވުނު، އެޕާޓީގެ ލީޑަރު ގާސިމް އިބުރާހިމްގެ އަނބިކަބަލުން އައިޝަތު ނަހުލާ ވިދާޅުވެއްޖެއެވެ.
މިރޭ ކުރިޔަށްދާ، ޖުމުހޫރީ ޕާޓީގެ ގައުމީ ކޮންފަރެންސް ނިންމުމުގެ ޖަލްސާގައި ވާހަކަ ދައްކަވަމުން އައިޝަތު ނަހުލާ ވިދާޅުވީ އަންހެނުންގެ ފިކުރަކީ މުހިންމު އެއްޗެއްކަން ޖުމުހޫރީ ޕާޓީން އަންގައިދީފި ކަމަށާއި، ޖޭޕީގެ އިސް ސަފުގައި ހުރެ، އަންހެނުން ބާރުވެރިކުރުވަން އިސްކަން ދޭނެކަމުގެ ޔަގީންކަން އަރުވާ ކަމަށެވެ.
އަދި ނަހުލާ ވިދާޅުވީ ޖުމުހޫރީ ޕާޓީއަކީ ސިޔާސީ މައިދާނަށް ނިކުމެ ވަޑައިގެން މަސައްކަތް ކުރުމުގެ ހިތްވަރު ލިބިގެން ގޮސްފައިވަނީ، ފިރިކަލުން ގާސިމް އިބުރާހިމްގެ ފަރާތުން ކަމަށާއި، ސިޔާސީ ގޮތުން ކުރިޔަށް ދިއުމަށް ހިތްވަރުދޭ އާއިލާއެއް މުހިންމު ކަމަށެވެ.
ނަހުލާ ޖުމުހޫރީ ޕާޓީގެ ޑެޕިއުޓީ ލީޑަރުކަމަށް އިންތިޚާބު ވީ، ވާދަ ކުރެއްވި 12 ބޭފުޅުންގެ ތެރެއިން އެންމެ މަތިން ވޯޓު ހޯއްދަވައިގެންނެވެ. އަދި ނަހުލާއަކީ ޖުމުހޫރީ ޕާޓީގެ ނައިބު ލީޑަރުކަމަށް އެޕާޓީގެ ތާރީޚުއިންތިޚާބުވި ފުރަތަމަ އަދި ހަމައެކަނި އަންހެން ބޭފުޅާއެވެ.
ނަހުލާއަކީ، ޖުމުހޫރީ ޕާޓީގެ ސްލޮޓުގައި ޓްރާންސްޕޯޓު މިނިސްޓަރު ކަމުގެ މަގާމުގައިވެސް ހުންނެވި ބޭފުޅާއެވެ.
One Response
މިއަދު މި ފެންނަނީ ސޭޓުގެ މުދާގަނޑުން ފައިދާ ހޯދުމަށް ހޭބަލިވާ މަންޒަރު.