ފިލްމު "ލީނާ" އާއި "އަނދިރިކަން" އަދި "ވީބޭވަފާ" ފަދަ ފިލްމުތަކުގެ ސްކްރީން ޕްލޭ ލިޔެދީފައިވާ މަޝްހޫރު ސްކްރީން ރައިޓަރު އަހުމަދު ޒަރީޒުގެ ފުރަތަމަ ޑައިރެކްޝަން "ބީވީމާ" ގައި ހިމެނޭ ހިތްގައިމު ލަވަ "ހިތް އަދު ރޮނީ" ޔޫޓިއުބަށް ދޫކޮށްލައިފިއެވެ.
މި މަހުގެ 6 ވަނަ ދުވަހުގެ ރިލީޒް ކުރި ފިލްމް "ބީވީމާ" އަކީ ރާއްޖޭގެ މަޝްހޫރު ލަވަކިއުންތެރިއާ އަޝްފާ އެކްޓިން އަށް ނުކުތް ފިލްމްއެވެ. އާންމުންގެ ބޮޑު ތަރުހީބެއް ލިބުން މި ފިލްމްގެ އެ ލަވަ އަކީ ފިލްމު ނިމެންދާއިރު ފިލްމުގެ ލީޑު ދެ ތަރިން ކަމަށްވާ މަރިޔަމް އަޝްފާ އާއި އިސްމާއިލް ރަޝީދުގެ މަޑުމައިތިރި މަންޒަރުތަކެއް ދައްކުވައިދޭ ލަަވަ އެކެވެ.
އަޝްފާގެ އިތުރުން ޝަލަބީ އިބްރާހީމް ކިޔާފާއިވާ އެ ލަވަ ޔޫޓިއުބްގައި އާންމުކޮށްފައިވާ އިރުގައި މީ ވަރަށް ހިތްގައިމު ލަވައެކެވެ. އަދި މި ފިލްމްގައި ހިމަނާފައިވާ މި ލވައިގެ އެއްވެސް މަންޒަރަކަށް އުނި އިތުރެއް ގެނެސްފައިއެއް ވެސް ނުމެވެއެވެ.
ފިލްމުގެ ކާސްޓްގައި އަޝްފާގެ އިތުރުން އިސްމާއީލް ރަޝީދު (ކޮޕީ އިއްސެ) އާއި އަރަމުން އަންނަ ޒުވާން ބަތަލާ އައިމިނަތު ރަޝްފާ (އާޝާ) އަދިް އާދަމް ޒިދާން (ނާނަ) ހިމެނެ އެވެ. "ބީވީމާ" އަކީ މުހައްމަދު އަލީ (މޮގާ) އާއި އޭނާގެ އަންހެނުން އައިޝަތު ފުއާދު ތައުފީގް ޕްރޮޑިއުސްކުރާ ފިލްމެކެވެ.
