މޯލްޑިވްސް މީޑިއާ ކައުންސިލުން ސްކޫލް ކުދިންނަށް އަމާޒުކޮށްގެން ހިންގުމަށްހަމަޖެހިފައިވާ "ސްޓޫޑަންޓް ޖަރނަލިޒަމް ޕްރޮގްރާމް" ގެ ފުރަތަމަ ސެޝަންތައް ކުރިއަށް ގެންގޮސްފިއެވެ.
މޯލްޑިވްސް ޕޮލިސް ސަރވިސްގެ އިސްކަންދަރުކޮށީގެ، ޓްރެއިނިންގ ހޯލްގައި ކުރިއަށް ގެންދެވުނު މި ޕްރޮގްރާމްގައި ސެޝަންތައް ނަގައި ދެއްވީ ރާއްޖޭގެ ނޫސްވެރިކަމުގެ ދާއިރާގެ ތަޖުރިބާކާރު ބޭފުޅުންނެވެ. އޭގެތެރޭގައި އަލްފާޟިލް މުޙައްމަދު ހަމްދޫން، އަލްފާޟިލް މުޙާއްމަދު ނާސިހް އަދި އަލްފާޟިލް ޢަލީ ނިޝާން ހިމެނެއެވެ.
މީޑިއާ ކައިންސިލުން ހާމަ ކޮށްފައިވާ ގޮތުގައި މި ޕްރޮގްރާމްގެ ބޭނުމަކީ ދަރިވަރުންގެ މެދުގައި ނޫސްވެރިކަމުގެ ދާއިރާއަށް ޝައުގުވެރިކަން އުފެއްދުމާއި ކުދިން މި ދާއިރާއަށް ޝައުގުވެރިކަން އުފެއްދުމާއި ކުދިންނަށް މި ދާއިރާ އިން ކުރިއަށް ދެވޭނެ މަގު ފަހިކޮށްދިނުން ކަމުގައެވެ. މީގެ އިތުރުން ޕްރޮގްރާމްގެ ބައިވެރިން ރާއްޖޭގެ ބޮޑެތި ނިއުސްރޫމްތަކާއި ޓީވީ އަދި ރޭޑިއޯ ސްޓޭޝަންތަކަށް ގޮސް މަސައްކަތް ކުރާ ގޮތް ބަލާލައި ތަޖުރިބާކޮށްލުމުގެ ފުރުސަތު ދިނުމަށް ވެސް މީޑިއާ ކައުންސިލުން ވަނީ ނިންމާފައެވެ.
