ކުރިޔަށް އޮތީ އުޖާލާ ދުވަސްތަކެއް ކަމަށާއި، އަލި ވިލިގެން ދާނީ އާ ބަހާރު މޫސުމަކަށް ކަމުގައި ރައީސް ސާލިހު ވިދާޅުވެއްޖެއެވެ. ކުރިޔަށް އޮތް ރިޔާސީ އިންތިޚާބުގެ، އެމްޑީޕީގެ ރިޔާސީ ޓިކެޓް ރައީސް ސާލިހާއި ހަވާލުކުރުމަށް މިރޭ ބޭއްވެމުންދާ ޖަލްސާގައި ވާހަކަ ދައްކަވަމުން ރައީސް ސާލިހު ވިދާޅުވީ، މިހާރު ރާއްޖެ ދަތުރު ކުރަމުން މިދަނީ، އިގްތިސާދީ މުޅިން އާ ޒަމާނަކަށް ކަމުގައެވެ.
އަދި ރައީސް ސާލިހު ވިދާޅުވީ ހެދިހުރި އިންސާނާގެ ވިސްނުމަކީ އެމްޑީޕީގެ ވިސްނުން ކަމުގައެވެ. ރައީސް ސާލިހު ވިދާޅުވީ އެމަނިކްފާނުގެ ވެރިކަމުގައި ރައްޔިތުންގެ ހާލަތު ރަގަޅު ވެއްޖެ ކަމަށާއި، އިގްތިސާދީގޮތުން ރާއްޖެ މިވަނީ މުޅިން އާ ޒަމާނެއް ދެކެން ފަށާފައި ކަމުގައެވެ.
މި ޖަލްސާގައި ވާހަކަ ދައްކަވަމުން ރައީސް ސާލިހު ވިދާޅުވީ ކުރިޔަށް އޮތް ރިޔާސީ އިންތިޚާބަށް ނިކުންނަވާނީ އެމްޑީޕީގެ މެމްބަރުންގެ ޚިޔާލާއި މަޝްވަރާއާއި އެކު ތައްޔާރު ކުރެވޭ މެނިފެސްޓޯއަކާ އެކީ ކަމުގައެވެ.
އަދި އެމްޑީޕީއަކީ ވިޝަނަރީ ޕާޓީއެއް ކަމުގައި ވިދާޅުވަމުން ރައީސް ސާލިހު ވިދާޅުވީ ކަން ކުރާންޖެހޭ ގޮތާއި ހާސިލްވާން ބޭނުންވާ މަޒިލް އެމްޑީޕީގައި އެގެން އޮންނަ ކަމަށެވެ.
މި ޖަލްސާގައި ވާހަކަ ދައްކަވަމުން ރައީސް ސާލިހު ވިދާޅުވީ މިއަދު މިވަނީ، އެމްޑީޕީ ދާން އެދުނުތަނާއި ދާދި ގާތްވެ، އަތް ލެވޭ ހިސާބަށް އާދެވިފައި ކަމަށާއި، މިހާރު ކުރާން ޖެހިފައި އޮތް ކަމަކީ، އެންމެން އެކީ ނިކުމެ އަންނަ ރިޔާސީ އިންތިޚާބު ކާމިޔާބު ކުރުން ކަމުގައެވެ. އަދި ރައީސް ސާލިހުވަނީ މުޅި އެމްޑީޕީ އެކީ ނުކުމެއް، އެއްބުރުން ކުރިޔަށް އޮތް ރިޔާސީ އިންތިޚާބު ކާމިޔާބު ކުރާނެކަމަށް ވިދާޅުވެފައެވެ.
ކޮމެންޓު ފޮނުވާ