މިހާރު ކުރިޔަށްދާ އެމްޑީޕީގެ ރިޔާސީ ޕްރައިމަރީގައި "އެމްޑީޕީ ކުރިއަށް" ކެމްޕޭންގެ ފަރާތުން އައްޑޫ ސިޓީގައި ބޮޑު ޖަލްސާއެއް ބޭއްވުމަށް ނިންމައިފިއެވެ.
ރައީސް ސާލިހުގެ "އެމްޑީޕީ ކުރިއަށް" ކެމްޕޭނުން ހާމަ ކޮށްފައިވާ ގޮތުގައީ "އައްޑޫ ޖަލްސާ"ގެ ނަމުގައި ބާއްވާ މި ޖަލްސާ ބޭއްވުމަށް ހަމަޖެހިފައިވަނީ މިމަހުގެ 26 ވަނަ ދުވަހުގެ ރޭ 8:30 ގައި ސ. ހިތަދޫ ސިޓީ ބާޒާރު ސަރަހައްދުގައި ކަމުގައެވެ.
އައްޑޫ ސިޓީގައި ބޮޑު ޖަލްސާއެއް ބޭއްވުމަށް ރަައީސް ސާލިހުގެ ކެމްޕޭނުން ނިންމާފައިވާއިރު، ފާއިތުވެދިޔަ ހަފްތާގައި މާލޭގައިވެސް ވަނީ ކެމްޕޭންގެ ބޮޑު ޖަލްސާއެއް ބާއްވާފައެވެ. މި ޖަލްސާއަށް ކައިރި ބައެއް ރަށްރަށުން މީހުން ހާޒިރުވިއިރު، ރައީސް ސާލިހަށް ތާއީދުކުރާ އެތައް ސަތޭކަ އެމްޑީޕީ މެމްބަރުންނެއްވަނީ މިޖަލްސާގައި ބައިވެރި ވެފައެވެ.
ކުރިޔަށްދާ، އެމްޑީޕީގެ ޕްރައިމަރީ ކެމްޕޭންގައި މިހަފްތާގައި ރައީސް ސާލިހުވަނީ ކ. އަތޮޅުގެ ބައެއް ރަށްތަކަށާއި، އަދި އއ. އަތޮޅުގެ ބައެއް ރަށްތަކަށް ވަޑައިގެންފަައެވެ. އޭގެ ކުރިން ރައީސް ވަނީ ފުވައްމުލަށް އަދި ހުވަދޫ އޮތޮޅުގެ ބައެއް ރަށްތަކަށްނ ވަޑައިގެންފައެވެ.
މީގެ އިތުރުން ފާއިތުވެދިޔަ ހަފްތާގައި ހއ، ހދ، ށ އަދި ލ އަތޮޅުގެ ރަށްތަކަށް ދަތުރު ކުރެއްވުމުގެ ކުރިން ރައީސް ސާލިހުވަނީ ރ. ބ. ޅ. ހއ. ހދ ށ. ނ. އަތޮޅުގެ އިތުރުން އައްޑޫ އަތޮޅަށްވެސް ވަޑައިގެންފައެވެ.
ރައިސް ސާލިހުއާއި ރިޔާސީ ޕްރައިމަރީގައި ވާދަ ކުރައްވަމުން ގެންދަވާ އެމްޑީޕީގެ ރައީސް މުހައްމަދު ނަޝީދުވެސް ވަނީ ފާއިތުވެދިޔަ މިހާރު ދަތުރު ކުރައްވަމުން ގެންދަވަނީ އައްޑޫ އަތޮޅުގެ ރަށްތަކުގައެވެ. އަދި މިއަދު ނަޝީދު ފުވައްމުލަކަށް ވަޑައިގަތުމަށް ވަނީ ހަމަޖެހިފައެވެ.
އެމްޑީޕީގެ ރިޔާސީ ޕްރައިމަރީގެ ވޯޓުލުން ބޭއްވުމަށް ހަމަޖެހިފައިވަނީ އަންނަ ހޮނިހިރު ދުވަހުއެވެ.
ކޮމެންޓު ފޮނުވާ