މިހާރު ކުރިޔަށްދާ އެމްޑީޕީގެ ރިޔާސީ ކެމްޕޭންގައި، އެމްޑީޕީގެ "އެމްޑީޕީ ކުރިއަށް" ކެމްޕޭންގެ ފަރާތުން މާލޭގައި، ރައީސް ސާލިހު ބައިވެރިވެ ވަޑައިގަންނަވާ ބޮޑު ޖަލްސާއެއް މިރޭ ބޭއްވުމަށް ނިންމައިފިއެވެ.
"އެމްޑީޕީ ކުރިއަށް" ކެމްޕޭންގެ ފަރާތުން ހާމަ ކޮށްފައިވާ ގޮތުގައި، މި ޖަލްސާ ބޭއްވުމަށް ހަމަޖެހިފައިވަނީ މިރޭ 8:30 ގައި އާޓިފިޝަލް ބީޗް ސަރަހައްދުގައެވެ.
ރައީސް ސާލިހު ބައިވެރިވެ ވަޑައިގަންނަވާ ބޮޑު ޖަލްސާއެއް މާލޭގައި ބޭއްވުމަށް ހަމަޖެހިފައި ވާއިރު، ޕްރައިމަރީގައި ވާދަކުރައްވާ އެމްޑީޕީގެ ރައީސް މުހައްމަދު ނަޝީދުވެސް ވަނީ މާލޭގައި ބޮޑު ޖަލްސާއެއް ބާއްވާފައެވެ. ރާޅުގަޑު ސަރަހައްދުގައި ބޭއްވުނު މި ޖަލްސާއެއް އެމްޑީޕީގެ ގިނަ އަދަދެއްގެ މެމްބަރުން ވަނީ ހާޒިރު ވެފައެވެ.
މިރޭ ރައީސް ބައިވެރިވެވަޑައިގަންނަވާ ބޮޑު ޖަލްސާއެއް މާލޭގައި ބޭއްވުމަށް ހަމަޖެހިފައިވާއިރު، ފާއިތުވެދިޔަ ހަފްތާގައި ރާއްޖޭގެ އުތުރަަށް ކުރެއްވި ކެމްޕޭން ދަތުރުފުޅު ރައީސް ސާލިހު މިއަދުވަނީ ނިންމަވާލައްވަފައެވެ. މި ދަތުރުޅުގައި ރައީސް ސާލިހު ވަނީ ތިލަދުންމަތި، މިލަދުންމަޑުލު އުތުރުބުރި އަދި ހައްދުންމަތީގެ ރަށްތަކަށް ޒިޔާރަތް ކުރައްވާފައެވެ.
މިމަހުގެ 28ގައި ބޭއްވުމަށް ހަމަޖެހިފައިވާ އެމްޑީޕީގެ ރިޔާސީ ޕްރައިމަރީގައި ވާދަކުރެއްވުމަށް ރައީސް އުތުރުގެ ރަށްތަކަށް ކުރެއްވި މި ދަތުރުފުޅުގައިވަނީ ތަރައްގީގެ ބައެއް މަޝްރޫއުތައްވެސް އިފްތިތާހު ކޮށްދެއްވާފައެވެ. އޭގެތެރޭގައި ހަނިމާދޫ އިންޓަރނޭޝަނަލް އެއަރޕޯޓުގެ އަމަލީ މަސައްކަތް ފައްޓަވާ ދެއްވުންވެސް ހިމެނެއެވެ.
ކެމްޕެންގައި ރައީސް ސާލިހު މިހާރުވަނީ ރ. ބ. ޅ. ހއ. ހދ ށ. ނ. އަތޮޅަށް ޒިޔާރަތް ކުރައްވާފައެވެ.
ރައިސް ސާލިހުއާއި ރިޔާސީ ޕްރައިމަރީގައި ވާދަ ކުރައްވަމުން ގެންދަވާ އެމްޑީޕީގެ ރައީސް ނަޝީދު މިހާރު ދަތުރު ކުރައްވަމުން ގެންދަވަނީ ހުވަދޫ އޮތޮޅުގެ ރަށްތަކަށެވެ.
ކޮމެންޓު ފޮނުވާ